Հեղափոխությունը վերջնականապես հաղթել է Հայաստանում. հիմքեր
ՀԵՂԱՓՈԽՈՒԹՅՈՒՆԸ ՎԵՐՋՆԱԿԱՆԱՊԵՍ ՀԱՂԹԵԼ Է ՀԱՅԱՍՏԱՆՈՒՄ Ի՞նչ հիմքեր ունեմ նման եզրակացության համար: Հիմնքերից ամենից զորավորը՝ ի պաշտպանություն Մանվել Գրիգորյանի հավաքն էր ԱԱԾ դիմաց: Սա երկրորդ նման դեպքն է և միանշանակորեն ցույց տվեց, որ վախի մթնոլորտը հաղթահարված է Հայաստանում: Եվ սա մեր հեղափոխության մեծագույն նվաճումն է: Մարդիկ, թեկուզ անձնական շահի կամ հարազատա-բարեկամական կապի պատճառով, չեն վախենում իրենց տեսակետը արտահայտել ձերբակալվածի կամ ձերբակալության նկատմամբ: Միթե նման բան հնարավո՞ր էի պատկերացնել նախահեղափոխական Հայաստանում: Իհարկե՝ ոչ: Ասեմ, որ աձնապես ես մստահ եմ, որ Մանվել Գրիգորյանը ոչ միայն հանցագործ է, այլև սրիկա: Եթե նրա մասին պատմածնների ընդամենը 10% -ը ճիշտ լինի՝ նա պիտի փտի բանտում: Սպասենք դատարանի վճռին: Վերջին տարիներին ես ավելի ու ավելի էի հանդես գալիս իշխանության քաղաքականության քննադատությամբ: Բերում էի փաստեր ու փաստարկներ: Ընդամենը այդքանը: Ինչքանո՞վ էին դրանք համոզիչ կամ օգտակար՝ ուրիշ հարց է: Ամեն մարդ ազատ էր և է անելու իր հետևությունը: Կարճ ասած՝ բռնության կոչ չէի անում, առավել ևս նման գործողությունների չէի դիմում, բայց մարդիկ վախենում էին իշխանության վրեժխնդրությունից: Հատկապես պետական հիմնարկներում աշխատողները: Մարդիկ վախենում էին ոչ միայն ինձ հետ շփվել, այլև վախենում էին իմ գրածին like դնել: Մարդիկ որոնց, ինչպես ժողովուրդն է ասում, ես էի մարդ դարձրել: Անձնական հանդիպման ժամանակ ինձ գովում էին, բայց երրորդ անձի ներկայությամբ ինձ չտեսնելու էին տալիս: Իրենց հեռախոսներից ջնջում էին իմ հեռախոսահամարը, Facebook-ից unfriend էին անում: Մինչևիսկ, եթե անգամ օգնում էին մեր գրադարանի համար մի գիրք գնել, ասում էին՝ լավ կլինի մարդ չիմանա: Մի տեսակ փափուկ 37 թիվ էր ստեղծվել, որը գնում էր կոշտացման ճանապարհով: Եթե ՍՍ ու ՀՀԿ իշանության մնային մի քանի տարի ևս՝ հաստատ ունենալու էինք արմենբաշի՝ դրա բոլոր դառը հետևանքներով: Գործող սահմանադրությունը դրա իրավական հիմքն էր պատրաստել: Այնպես որ՝ ես ուրախ եմ, որ անգամ սրիկաների պաշտպաններն Հայաստանում կարող են հանգիստ արտահայտել իրենց կարծիքը: ԿԵՑՑԵ ՀԱՂԹԱԾ ՀԵՂԱՓՈԽՈՒԹՅՈՒՆԸ: Գրել է Արա Պապյանը ֆեյսբուքյան էջում:
Հետևեք մեզ Viber-ում
