«Չի՛ լինելու էդ բանը, չի՛ լինելու». Նիկոլ Փաշինյանը՝ Օսիպյանին

«Ոստիկանության մասին» ՀՀ օրենքում փոփոխություն կատարելու մասին» նախագիծի քննարկման ժամանակ տեղեկացրեց, որ «շարժական նկարահանում իրականացնող թաքնված մեքենաները» հատուկ կահավորված են լինելու տարբերանշանով: Փակցվելու են իրականացվող տեսանկարահանման մասին նախազգուշացնող տարբերանշաններ: «Հակասություններ կան: Մենք ասում ենք՝ մարդկանց քիչ տուգանենք, մյուս կողմից էլ՝ բերենք, շրջիկ մեքենաներն ավելացնե՞նք: Եկեք դադարեցնենք քաղաքացիների հետևից ընկնելու էս բանը՝ ում որտեղ բռնենք, տուգանենք: Առաջարկում եմ խնդրին փաթեթային լուծում տալ ու չշտապել: Երթևեկության ավնտանգության խնդիր կա, եկեք հասկանանք՝ ոնց լուծել, բայց ոչ՝ փողոցները լցնել մեքենաներով, ու ասել՝ փարոսիկներ կունենան: Չի՛ լինելու էդ բանը, կներեք՝ չի՛ լինելու: Դադարեցնե՛նք քաղաքացիների հետևից ընկնելը: Քաղաքացին տուգանքի մատերիալ չի՛»,- ասաց վարչապետը: ՀՀ առաջին փոխվարչապետ Արարատ Միրզոյանը տեղեկացրեց, որ ԱԺ մի խումբ պատգամավորներ օրենքում փոփոխություններ կատաելու մաիսն նախագիծ են ներկայացրել: Առաջարկվում է՝ ոստիկանության ծառայողի կողմից շարժական տեսաձայնագրող միջոցներ չօգտագործել: «Եթե հավանություն տանք ու Աժ-ում անցնի, այլևս այդպիսի սարքեր չեն կարող օգտագործվել»: Փաշինյանը տեղեկացրեց, որ «Ոստիկանության մասին» օրենքի նախագծի փոփոխությունները հետաձգվում են: