Երբեք չեմ հանձնվել. Մխիթարյանը՝Մոուրինիոյի, Վենգերի և Էմերիի մասին

«Իմ և Մոուրինիոյի միջև տեղի ունեցածն արդեն անցյալում է։ Այդ պատմությունն ինձ շատ բան սովորեցրեց, ես անհրաժեշտ փորձ ձեռք բերեցի։ «Մանչեսթեր Յունայթեդում» երբեք չեմ հանձնվել, միշտ պայքարել եմ ու փորձել աճել։ Փորձում էի ապացուցել, որ լավագույններից մեկն եմ։ Ես այն ֆուտբոլիստների շարքում չեմ, ովքեր մեղքը գցում են մարզիչի վրա»,- Kommersant.ru-ի փոխանցմամբ, Լոնդոնի «Արսենալի» և Հայաստանի հավաքականի կիսապաշտպան Հենրիխ Մխիթարյանն անդրադարձել է պորտուգալացի մարզիչ Ժոզե Մոուրինիոյի և Արսեն Վենգերի հետ համատեղ աշխատանքին, նաև Ունաի Էմերիին, ում գլխավորությամբ խաղալու է։ Ալեքս Ֆերգյուսոնի ժամանակ այլ էր, հիմա «Մանչեսթեր Յունայթեդն» ուրիշ ֆուտբոլ է խաղում։ Ֆուտբոլիստները պետք է հաշտվեն այդ մտքի հետ։ Դու պետք է կատարես մարզիչի ցուցումները։ Արսեն Վենգերն ինձ շալ լավ ընդունեց։ Նա ինձ ցանկանում էր իր թիմում տեսնել դեռ 2 տարի առաջ, բայց այն ժամանակ չստացվեց։ «Արսենալում» բոլորն ինձ լավ են վերաբերվում։ Վենգերի հեռանալը անակնկալ էր բոլորիս համար։ Երևի թե արդեն ժամանակն էր։ Շատ ցավալի էր տեսնել, թե ինչպես է հեռանում մի մարդ, ով ակումբը գլխավորել է 22 տարի, նա լեգենդ է։ Բայց յուրաքանչյուր պատմություն ունի ավարտ։ Ունաի Էմերիի հետ երբեք չեմ հանդիպել, այժմ սպասում եմ նոր հնարավորությունների։ Չգիտեի, որ Էմերին ցանկացել է ինձ տեսնել ՊՍԺ-ում։ Նա այն մարդն է, որը «Սևիլիայի» հետ հաղթեց Եվրոպայի լիգան։ Նա ևս 4 տիտղոս էլ նվաճեց ՊՍԺ-ի հետ։ Էմերիի մասին լսել եմ միայն դրականը։ Միանշանակ պատրաստ եմ համատեղ աշխատանքին։ Ամենամեծ ակումբները երբեմն հետընթաց են ունենում։ Դժվար պահերն անխուսափելի են։ Մենք դասեր կքաղենք նախորդ մրցաշրջանի անհաջողություններից և Եվրոպայի լիգայից կվերադառնանք Չեմպիոնների լիգա»,- նշել է Մխիթարյանը: