Ո՞վ է իրականում «Նոր Հայաստան, նոր Հայրապետ» նախաձեռնության ղեկավար Կարեն Պետրոսյանն ու ի՞նչն է իրականում նրա ուզածը
Ո՞վ է իրականում «Նոր Հայաստան, նոր Հայրապետ» նախաձեռնության ղեկավար Կարեն Պետրոսյանն ու ի՞նչն է իրականում նրա ուզածը: Շատերը չգիտեն, որ նույն Կարեն Պետրոսյանը ժամանակին ստանձնել է Հայ Եկեղեցու Համաշխարհային Երիտասարդական Կազմակերպության՝ ՀԵՀԵԿ-ի ատենապետի պաշտոնը: Պաշտոնավարություն որի ընթացքում նա սովորություն ուներ խժդժություններ ստեղծելու, գումարներ յուրացնելու և «մատ թափ տալու» հոգևորականների վրա, պաշտոնավարություն, որի ընթացքում ՀԵՀԵԿ-ի հոգևոր առաջնորդներից շատերը հրաժարվեցին համագործակցել նրա հետ և լքեցին կազմակերպությունը և պաշտոնավարություն, որը ավարտվեց միայն Կարենի անկարգությունների մասին հրապարակավ հայտարարություններ տարածելուց և նրան հատկացված գրանսենյակի կողպեքները փոխելուց հետո: Այդ պաշտոնից հեռանալուց հետո անգամ, նա իր սեփական տնօրինության տակ էր պահում ՀԵՀԵԿ-ի ֆեյսբության էջը և վիրտուալ տիրույթում շարունակում իր իշխանությունը: Էջը հաջողվեց հետ վերցնել միայն ՀԵՀԵԿ հոգևոր հովիվ, տեր Եղիշե վարդապետ Ավետիսյանի կատարած բանակցությունների և համառ ջանքների շնորհիվ: Այս ամենը ՀԵՀԵԿ անդամներին պարզ հուշում էր, որ ինքն իրեն ՀԵՀԵԿ-ի Կարեն հռչակած այս անձը, ոչ ալոք էր, եթե ոչ ինքնասիրահարված և աստղային հիվանդությամբ վարակված մեկը: Այսօր շասակայն, այս ամենի մասին, շատ շատերը չգիտեն, մինչդեռ նույն Կարեն Պետրոսյանն այսօր, արդեն ինքն իրեն կաթողիկոսի տեղ է դրել, և քինախնդրությամբ լցված, պահանջում է Ամենայն Հայոց կաթողիկոսի հրաժարականը: Հունիսի 10-ին՝ այսօր, Գարեգին Բ Կաթողիկոսի օրհնությամբ, Երևանի Ս. Գրիգոր Լուսավորիչ մայր եկեղեցում, Ռումինիայի Հայոց Թեմի Առաջնորդ Գերաշնորհ Տ. Տաթև եպիսկոպոս Հակոբյանի Ձեռամբ, քահանայական ձեռնադրության արժանացան 12 սարկավագներ: «Նոր Հայաստան, նոր Հայրապետ» նախաձեռնության համակարգող Կարեն Պետրոսյանը չզլացավ իր ընկերների հետ փչացնել նաև այս արարողությունը: Տոնական Պատարագից առաջ և հետո՝ Վեհափառին դիմավորելիս և ճանապարհելիս, Կարենն ու նրա համախոհները խառնվեցին հավատացյալների խմբի մեջ և հրահրեցին մի շարք անախորժություններ: Բախումներից հնարավոր եղավ խուսափել, միայն եկեղեցու նվիրյալ հավատացյալների և հոգևորականների ջանքերով: Այսպիսով Կարենն ու նրա համախոհները իրենց սև գործն արեցին նաև երկար տարիներ ուսանած, տքնած և նոր-նոր քահանայագործության իրենց ուղին սկսող 12 նորաօծ քահանաների նկատմամբ և փորձեցին ցեխ շպրտել նրանց այս հիվարժան տոնի վրա: Հայկ Կիսեբլյան գրառում
Հետևեք մեզ Viber-ում
