Մանրամասներ Սեւանի թերակղզում 26-ամյա երիտասարդի սպանությունից. ուշագրավ տեսանյութ
Ոստիկանները պարզել են վրացի ամուսինների կողմից Սեւանի թերակղզում 26-ամյա երիտասարդի սպանության հանգամանքները: Իրավապահները պարզել են, որ սպանված երիտասարդը Գյումրիի բնակիչ Ժորա Մարտիրոսյանն է: Դիակի զննությամբ գլխին հայտնաբերվել են վնասվածքներ, դեպքի վայրում արնանման հետքերով քարեր կային: Ոստիկանությունում քրեական գործ հարուցվեց սպանության հատկանիշներով: Պարզվեց, որ մահացածը իր մեքենայով տաքսի ծառայություն է մատուցել: Ոստիկանները ժամեր անց պարզեցին, որ Գյումրի մեկնած 3 օտարերկրացիներ, մասնավորապես, ամուսիններ Դիմիտրի Անդրեեվն ու Սոֆիո Անդրեեվան, ու նրանց ընկերը Շոթա Մառլակելիձեն Գյումրիում նստել են Ժորա Մարտիրոսյանի մեքենան եւ պատվիրել, որ իրենց Սեւան տանի: Ճանապարհին ուղեւորներն ալկոհոլ են օգտագործել, Սեւանի թերակղզում ուղեւորների եւ վարորդի մեջ վիճաբանություն է առաջացել, այդ ընթացքում ուղեւորները քարերով հարվածել են տաքսու վարորդի գլխին՝ պատճառելով կյանքի հետ անհամատեղելի վնասվածքներ: Ամուսիններին դեպքից 2 օր անց բերման ենթարկեցին ոստիկանություն, նրանց մեղադրանք է առաջադրվել: Ամուսնինները կալանավորվել եւ տեղափոխվել են քրակատարողական հյիմնարկներ: Նրանց ընկերոջ՝ ընկերը Շոթա Մառլակելիձեի նկատմամբ հետախուզում է հայտարարվել:
Հետևեք մեզ Viber-ում
