Մենք մերժողական ընդդիմություն չենք լինելու. Շարմազանով

«Հանրապետական կուսակցությունը մերժողական ընդդիմություն չի լինելու քննադատելու է փաստարկված։  Մենք որոշել ենք լինել կառուցողական ընդդիմություն եւ կառավարության գործունեությունը քննադատելու է ըստ էության եւ փաստերով: Մենք քննադատելու ենք փաստարկված, այլ ոչ թե ասելու ենք ձեր սանրվածքը մեզ դուր չի գալիս կամ դուք շատ երիտասարդ եք եւ չպետք է լինեք նախարար: Դա քաղաքական մոտեցում չէ: Մենք գնալու ենք առողջ քննադատության ճանապարհով: Այնտեղ, որտեղ կտեսնենք դրական արդյունք, մենք դա կողջունենք»,- երեկ  ՀՀԿ ԳՄ նիստից հետո լրագրողներին ասել է ԱԺ փոխնախագահ Էդուարդ Շարմազանովը։ ՀՀԿ-ն երկար տարիներ իշխանություն է եղել, շատ լավ գիտի, թե ինչ է նշանակում լինել ապակառուցողական ընդդիմություն ու չի պատրաստվում գնալ այդ ճանապարհով: ՀՀԿ-ն այսօր քննադատում էր վարչապետ Փաշինյանի ներկայացրած ծրագիրը։ Ես , օրինակ, դրական բաներ էլ եմ արձանագրել հատկապես ԵԱՏՄ-ի եւ ՀԱՊԿ-ի հարցում դիրքորոշումների վերաբերյալ,ասել է նա: