«Կտավամարտ»՝ Արմեն Աշոտյանի և Նաիրա Զոհրաբյանի միջև

«Ժամանակ» թերթը գրում է. «ԱԺ ՀՀԿ խմբակցության պատգամավոր Արմեն Աշոտյանը անդրադառնալով «Ծառուկյան» դաշինքի պատգամավոր Նաիրա Զոհրաբյանի այն հայտարարությանը, որ Աշոտյանը չկատարեց կրթության նախարարի պաշտոնում աշխատելիս իր՝ բոլոր առաջին դասարանցիներին համակարգչով ապահովելու խոստումը, ասաց, թե Զոհրաբյանի ելույթը իրեն հիշեցրեց Դելակրուայի հայտնի «Ազատությունը բարիկադների վրա» կտավը, բայց շատ դեկորատիվ: Ի պատասխան դրա՝ Զոհրաբյանը Աշոտյանին խորհուրդ տվեց առավել ուշադիր ուսումնասիրել Կարավաջոյի «Յուդիթ և Օլոֆեռն» կտավը: Կտավում Յուդիթը կտրում է Օլոֆեռնի վիզը՝ դրանով լուծելով իր ժողովրդի վրեժը և խուճապի մատնելով թշնամու բանակը»: Առավել մանրամասն՝ թերթի այսօրվա համարում: