Գնանք հանքերը քանդենք, եռակի վաճառենք, որ ասենք՝ վայ, տնտեսական աճը արեցինք. Փաշինյանի ակնարկը
«Մենք ոտք ենք դրել անհավանականն իրականություն դարձնելու ճանապարհին եւ վստահ քայլելու ենք մինչեւ վերջ: Մեզ համար առաջնահերթ է վերացնել այն խոչընդոտները, որոնք թույլ չեն տալիս երկրին զարգանալ»: Այս մասին, այսօր՝ հունիսի 7-ին, ԱԺ հատուկ նիստում ներկայացնելով կառավարության ծրագիրը, նշեց ՀՀ վարչապետ Նիկոլ Փաշինյանը: «Մեզ ասում են՝ ինչի՞ չեք գրել, որ տնտեսական աճը լինի այսքան տոկոս: Շատ պարզ պատճառով՝ գրենք տնտեսական աճը լինի էսքան տոկոս, գնանք հանքերը քանդենք, եռակի վաճառենք, որ ասենք՝ վայ, տնտեսական աճը արեցինք: Մեզ համար կարեւոր է վերացնել այն խոչընդոտները, որը թույլ չի տալիս մեր երկրին զարգանալ: Մենք անդրադարձել ենք խաչմերուկային նշանակություն ունեցող խնդիրներին»,- նկատեց վարչապետը: Նիկոլ Փաշինյանը տեղեկացրեց, որ կառավարության ծրագրի ԱԺ կողմից ընդունելուց հետո կառավարությունը կընդունի միջոցառումների ցանկ, որը բխում է ծրագրից:
Հետևեք մեզ Viber-ում
