Երկրում նվազում է հանցավոր կամ գողական մտածելակերպի տարածումը. Փաշինյան
ԱԺ հատուկ նիստում ներկայացնելով կառավարության ծրագիրը ՀՀ վարչապետ Նիկոլ Փաշինյանը նշեց, որ բանտերում չպետք է լինեն մարդիկ, որոնք կարող են համարվել քաղբանտարկյալ: «Չի կարող իշխանությունը թույլ տալ, որ ներքաղաքական կամ հանրային հարցերի պարզաբանման ժամանակ լինեն վենդետաներ, հնչեն կրակոցներ, արյուն թափվի: Պետությունն ունի երկրի կայունությունն ապահովելու հստակ գործառույթ եւ այդ գործառույթը կկիրառվի առանց երերալու: Սա վերաբերում է հանցավորության դեմ պայքարին: Վերջին շրջանում նվազում է հանցավոր կամ գողական մտածելակերպի տարածումը: Կառավարությունը վճռական է այս հարցում եւ ՀՀ-ում տիրապետող տեսակետ պետք է լինի իր արժանապատվությունը հարգող, հանցագործությունների հետ բացահայտման հարցում ոստիկանության հետ համագործակցող քաղաքացին: Հանցավոր մտածողություն ունեցող որեւէ մեկը նմանակման կերպար չպետք է դառնա երիտասարդության համար»,-ընդգծեց նա:
Հետևեք մեզ Viber-ում
