«Հայաստանի քննչական կոմիտեի պետին տուն ուղարկելու ճանապարհը». Լևոն Բարսեղյան

Քննչական կոմիտեի մասին օրենքի ներկայիս խմբագրությամբ 20-րդ հոդվածի 3-րդ մասի համաձայն, «Քննչական կոմիտեի նախագահի պաշտոնավարման ժամկետը չի կարող գերազանցել սույն օրենքով սահմանված պաշտոնավարման սահմանային տարիքը՝ անկախ վերանշանակման հանգամանքից, բացառությամբ սույն օրենքի 17-րդ հոդվածի 5-րդ մասով նախատեսված դեպքի», իսկ 17-րդ հոդվածի 5-րդ մասի համաձայն, «Քննչական կոմիտեի նախագահի… սահմանային տարիքը 65 տարեկանն է, որը Կառավարության… կողմից կարող է երկարաձգվել մինչև 2 տարի ժամկետով: Նախկին խմբագրությամբ նույն օրենքը նշված իրավասությունը վերապահում էր ՀՀ նախագահին, որն էլ գործող ՔԿ նախագահի լիազորությունները 30 դեկտեմբերի 2017 թվականի ՆՀ-1017-Ա Հրամանագրով երկարաձգել էր մինչև 2019 թվականի հունվարի 8-ը: Նկատի ունենալով, որ նշված իրավասության, այն է՝ ՔԿ նախագահի լիազորությունների երկարաձգման տեսակետից ՀՀ նախագահի իրավահաջորդը հանդիսանում է ՀՀ կառավարությունը, հետևաբար, «Իրավական ակտերի մասին» ՀՀ օրենքի վերը նշված դրութի համաձայն, ՀՀ նախագահի հիշատակված հրամանագիրը կարող է փոփոխության ենթարկվել ՀՀ կառավարության կողմից՝ նշելով ՔԿ նախագահի լիազորությունների երկարաձգման ավելի կարճ ժամկետ, որը լրանալուց հետո էլ ՔԿ մասին օրենքի 22-րդ հոդվածի 1-ին մասի 3-րդ կետի համաձայն, Ա. Հովսեփյանը կազատվի պաշտոնից: Գրել է Լևոն Բարսեղյանը