ԵԱՀԿ ՄԽ համանախագահները կայցելեն Երևան
ՀՀ արտաքին գործերի նախարարության մամուլի խոսնակ Տիգրան Բալայանը հայտարարեց ,որ ԵԱՀԿ Մինսկի խմբի համանախագահները հունիսի 13-ին կլինեն Հայաստանում: «ԵԱՀԿ Մինսկի խմբի հանդիպումների վերաբերյալ ժամանակացույցն այժմ ճշգրտվում է: Հանդիպումների բովանդակության վերաբերյալ կտեղեկացնենք լրացուցիչ»,-ասաց նա: Հարցին, թե արդյոք համանախագահները ղարաբաղյան հիմնախնդրի հարցով նոր առաջարկներ կբերե՞ն, Տիգրան Բալայանը նշեց, որ ինքը տեղեկություններ այդ մասին չունի: «Կան առաջարկություններ համանախագահների կողմից, որոնց հիմնական դրույթները արձանագրված են հինգ հայտնի հայտարարություններում, որոնց հիմքը կազմում են միջազգային իրավունքի երեք սկզբունքները: Համանախագահների կողմից Երևանում ներկայացվելիք նոր մոտեցումների մասին ես այս պահին ոչինչ չեմ կարող հայտնել»,-ասաց Բալայանը:
Հետևեք մեզ Viber-ում
