Նոր անուններ Մասիսի քաղաքապետի միջադեպի հետ կապված. iravunk.com

Մինչ դատարանում լսվում էր Մասիսի քաղաքապետ Դավիթ Համբարձումյանի հարցը, քաղաքում արդեն աթոռակռիվ էր սկսվել: Հայտնվել էին, այսպես ասած, 2 քաղաքապետի թեկնածուներ, որոնցից մեկըՙ  Մրմեն Մանուկյանն էր: Վերջինս այս օրերին, քաղաքում մտել էր տները և հորդորել բնակչությանը, որ նոր ընտրությունների ժամանկ ինքը լինելու է թեկնածու եւ որ ժողովուրդը իրեն ձայն տա: Մասիսցիների հետ զրույցում տեղեկացանք, որ Ա. Մանուկյանին տներից դուրս են վռնդել, ասելով, որ դու քո հորն ես դատի տվել մի կտոր հողի համար, դու ո՞նց կարաս մեր քաղաքապետը լինես: Իսկ մյուս հավանական թեկնածուն, ինչպես արդեն գրել էինք, Մասիսի նախկին ոստիկանապետ Գագիկ Մխիթարյանի որդիՙ Արծրուն Մխիթարյանն է: Եթե առաջին թեկնածուն ստեղծված առիթից էր օգտվել ապա երկրորդը, ում մասին մամուլում տեղեկացվել էր, վայելում է Մասիսի նախկին քաղաքապետ, ՀՀԿ-ական Սաշիկ Հակոբյանի հովանավորչությունը: Ի դեպ այսօր գործող քաղաքապետ Դավիթ Համբարձումյանը, ազատ արձակվելուց հետո,առաջին անգամ գնացել է աշխատանքի: Տեղյակ լինելով բնակիչները եկել էին քաղաքապետին այցելության, որտեղ հայտնեցին իրենց նվիրվածությունն ու մտահոգությունը, թե ինչո՞ւ նման բան պատահեց: Դ. Համբարձումյանը անկեղծանալով իր բնակիչներին ասել է, որ հստակ գիտի, թե ով է կանգնած այս ամենի հետեւում եւ անելու է ամեն բան, որպեսզի իրական մեղավորները պատժվեն: Քաղաքապետը իր խոսքում տվել է նախկին քաղաքապետ Սաշիկ Հակոբյանի անունը ում ձեռքի գործիքն է դարձել մասիսցի Սամվել Բուդուրյանը, ով իրավապահ մարմիններին սուտ վկայություն է տվել, թե իբր ապրիլի 22-ի միջադեպին Մասիսի քաղաքապետի մատը խառն է: Ըստ քաղաքապետի. ՙ՚2014 թվականին Արտյոմ Մխիթարյանի, ով հակառակորդ է համարվել Սաշիկ Հակոբյանին, ընտրությունների ժամանակ մեքենան պայթեցրել են Բուդուրյան Սամվելի թեթեւ ձեռքով, որի առթիվ մեղավոր է ճանաչվել քրեական անցյալ ունեցող Բուդուրյանը եւ դատապարտվել է 6,5 տարվա ազատազրկման, սակայն պատիժը կրել է երեք տարի՚՚: Այս անգամ եւս Սամվել Բուդուրյանի ձեռքով Սաշիկ Հակոբյանը նոր սցենար էր մտածել գործող քաղաքապետի դեմ: Դ. Համբարձումյանը այսօր հայտարարեց, որ լինելու է հետեւողական, գնալու է մինչեւ վերջ եւ հանրությանն է ներկայացնելու ողջ ճշմարտությունը: Ըստ քաղաքապետի եւ Մասիսում տարածված լուրերի, վերոնշյալ սցենարը պետք է ունենար հետեւյալ իրավիճակը: Սաշիկ Հակոբյանըՙ Սամվել Բուդուրյանի վկայության շնորհիվ գահընկեց կանի Դավիթինՙ պարարտ հող նախապատրաստի Մասիսի նախկին ոստիկանապետի որդուՙ Արծրուն Մխիթարյանի համար, որպեսզի վերջինս դառնա Մասիսի քաղաքապետ, իսկ Սաշիկ Հակոբյանի եղբայրը կվերականգնվեր իր պաշտոնումՙ քաղաքապետարանի կոմունալ բաժնի պետ: Ի դեպ քաղաքապետը այսօր նաեւ ասաց, որ այն ինչ տեղի ունեցավ իր հետ, այսինքն վերոնշյալ մարդկանց վկայությամբ իր կալանավորումը եւ սոցիալական կայքերում իր անձի պախարակումը, իրականացվել է ոչ թե ներկա իշխանությունների կողմից, այլ քաղաքի վերոնշյալ կրիմինալ դեմքերի կողմից. ՙՙորպեսզի իմ ասածը մերկապարանոց չհնչի ես դիմելու եմ վարչապետ Նիկոլ Փաշինյանին, որպեսզի ստուգումներ անցկացնի քաղաքապետարանում, իմ եւ նախկին քաղաքապետի պաշտոնավարման տարիների աշխատանքը ստուգելու ուղությամբ: Այս ամենի նպատակն է, որպեսզի պատժվեն իրական մեղավորները եւ ցույց տանք հանրությանն ու իմ ընտրողներին, մասիսցիներին, ներկա ու նախկին քաղաքապետների իրական դեմքը: Եվ մսխված գումարները, որոնք ծախսվել են նախկին քաղաքապետի ժամանակ, վերադարձվեն համայնքային բյուջեՙ՚: Նկատենք, որ մասիսցիները, երբ սատար կանգնեցին իրենց քաղաքապետին ասում էին նաեւ, որ գնում են սրան, քանի որ Դավիթը քաղաքում փորձել է մաքրել կրիմինալը, կաշառակերությունը եւ գործի է դրել համայնքային նշանակության խնդիրների լուծումը: