Նիկոլ Փաշինյանը պաշտոն է տվել իր ցույցերը լուսաբանող լրագրողին
Նիկոլ Փաշինյանը պաշտոն է տվել իր ցույցերը լուսաբանող լրագրողին: Մեր տեղեկություններով՝ հունիս 1-ի վարչապետի որոշմամբ «Կառավարության տեղեկատվական-վերլուծական կենտրոն» ՊՈԱԿ-ի ղեկավար է նշանակվել «Ազատություն» ռադիոկայանի լրագրող Հովհաննես Մովսիսյանը, ով ուղիղ եթերներում լուսաբանում էր Նիկոլ Փաշինյանի քայլարշավը: Երիտասարդ լրագրողը, որի միակ աշխատավայրը եղել է «Ազատություն» ռադիոկայանը այսուհետ կղեկավարի Կառավարություն այդ ՊՈԱԿ-ի 46 հոգանոց կոլեկտիվը: Որքանով նա կհաջողի այս պաշտոնում, ցույց կտա ժամանակը: Գրում է dialogue.am-ը: Հիշեցնենք միայն, որ ՀՀ նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ը սահմանադրության փոփոխություններից հետո դարձավ կառավարության աշխատակազմինը, իսկ մինչ այդ այս կառույցը ուներ ահռելի աշխատակազմ և այն Սերժ Սարգսյանի նախագահ ընտրվելուց հետո երկար տարիներ ղեկավարում էր Արա Սաղաթելյանը, ով համարվում է ԶԼՄ դաշտի ամենաազդեցիկ դեմքերից մեկը: 2016-ին Արա Սաղաթելյանին նախագահ Սերժ Սարգսյանը տեղափոխեց խորհրդարան՝ նշանակելով ԱԺ աշխատակազմի ղեկավարի պաշտոնում: Տեղեկատվական ՊՈԱԿ-ի ղեկավարի ԺՊ նշանակվեց Արմեն Մինասյանը, ով իր դիմումի համաձայն բոլորովին վերջերս քաղաքական իրողությունների փոփոխության արդյունքում հրաժեշտ տվեց պաշտոնին:
Հետևեք մեզ Viber-ում
