Տաթևիկ, հեռացի՛ր .բողոքի ակցիան չկայացավ

Երևանի Կենտրոն-Նորք Մարաշ վարչական շրջանների ընդհանուր իրավասության դատարանի առաջ բողոքի ակցիայի մասնակիցները պետք է պահանջեին  ՀՀ Գլխավոր դատախազ Արթուր Դավթյանի և դատավոր Տաթևիկ Գրիգորյանի հրաժարականը։ Հիշեցնենք, որ շաբաթ օրը դատավոր Գրիգորյանը կալանավորման համար հիմք չգտնելով, ազատ արձակեց զանգվածային ծեծկռտուք կազմակերպելու մեջ կասկածվող Մասիսի քաղաքապետ Դավիթ Համբարձումյանը։ Երեկ համացանցում հայտարարություն էր տարածվել՝ կոչ անելով այսօր հավաքվել Երևանի ընդհանուր իրավասության դատարանի Կենտրոնի նստավայրի դիմաց՝ պահանջելով դատավորի հրաժարականը: Ակցիային մասնակցելու համար, սակայն, ընդամենը մի քանի մարդ էր եկել: «Թյուր կարծիք կա, որ այս ամենն արվում է նոր իշխանությունների դեմ, դրա համար էլ քիչ էին եկել: Բայց պնդում ենք, որ սա կապ չունի նոր իշխանության հետ»,- ասել են կազմակերպիչները: