Եթե Շավարշ Քոչարյանին դիվանագետ եք անվանում, ես էլ ին՞չ ասեմ. Ա. Արշակյան

«Շատ  լավ  է,որ Ռուսաստանը  զինում  է  իր  բազան  և  հույս  ունեմ, որ  նա  կթողնի  այն  Հայաստանում  և  կհեռանա»,- այսօր «Հայելի»  ակումբում  լրագրողների հետ  հանդիպման  ժամանակ  ասաց  ԳԽ  նախկին  պատգամավոր  Ազատ  Արշակյանը: Բանախոսը  անդրադարձավ  ռուս-թուրքական  հարաբերություններին  և  նշեց,որ  չի  հավատում,որ  Ռուսաստանը  որևէ  լուրջ  քայլի  կդիմի.«Ես  չեմ  պատկերացնում,  որ  Ռուսաստանը  ՆԱՏՕ-ի  դեմ  պատերազմ կսկսի  և   այսօրվա   Թուրքիան  դա  ՆԱՏՕ-ն  է»,-նշեց  Ազատ  Արշակյանը: Ազատ  Արշակյանը  ասաց, որ  այժմ   հայ  լինելը  վտանգավոր է   ոչ  միայն  արտերկրում,այլև  հենց   Հայաստանում: Սահմանային  լարվածությունն  էլ  կանխելու  նպատակով  որակյալ  իշխանություն է  հարկավոր ,  որպեսզի  ստեղծվի:«Ես  կարծում  եմ,  որ  հակառակորդին հասցված  խոցումը  պետք  է  շատ   ավելի  ուժեղ  լինի:Մենք  չպետք  է ըմբռնումով  մոտենանք  և  մեր  իշխանությունը  պետք  է  թանկ  գնահատի  զինվորի  կյանքը»,- հիշեցրեց  բանախոսը  և  վրդովմունքով  նշեց,  թե  ինչու  են  միշտ  հարուստների  և բյուրոկրատների  երեխաները  ոչ  պիտանի  լինում  ծառայությանը. «Ես  չեմ հասկանում,  նրանք  միայն  հիվանդ  երեխանե՞ր  են  ունենում:Մեր  երեխաները  թնդանոթի  միս  են դարձել: Գեներալների  պագոնները  պետք  է  պոկեն  և  եթե  Շավարշ  Քոչարյանին  դիվանագետ  եք  անվանում ՝  ես  էլ  ին՞չ   ասեմ»,- նշեց  նախկին  պատգամավորը  և  առաջարկեց  իշխանություններին հրաժարվել, եթե  ելք  չեն  գտնում  ստեղծված  իրավիճակում:     Լ.Միքաելյան