Միջադեպ՝ Մարտունու ծննդատանը. ամուսինները ծեծել են մանկաբույժին
«168 Ժամ» թերթը գրում է. «Մարտունու ծննդատանը նախորդ տարի տեղի ունեցած միջադեպի առթիվ հարուցված քրեական գործն ուղարկվել է դատարան: Քրեական գործի շրջանակներում մեղադրանք է առաջադրվել ամուսիններին: Կնոջը մեղադրանք է առաջադրվել այն բանի համար, որ նա իր ամուսնու հետ իր հետվիրահատության խնդիրների համար գնացել է «Մարտունու ծննդատուն», որտեղ ամուսինները պատահաբար հանդիպել են ծննդատան մանկաբույժ կնոջը, որտեղ իրենց երեխայի բուժման հետ կապված հարցի համար ձեռքերն օդում թափ տալով՝ մոտեցել է նրան և դիտավորությամբ բռունցքներով երկու անգամ վերևից ներքև հարվածել է վերջինիս գլխի շրջանին՝ պատճառելով փակ գանգուղեղային վնասվածքի ձևով առողջության թեթև վնաս՝ առողջության կարճատև քայքայումով: Կնոջ ամուսնուն մեղադրանք է առաջադրվել այն բանի համար, որ նա կնոջ հետ վերջինիս հետվիրահատության խնդիրների համար գնացել են «Մարտունու ծննդատուն», որի միջանցքում ամուսինները պատահաբար հանդիպել են ծննդատան մանկաբույժին, որտեղ իրենց երեխայի բուժման հետ կապված հարցի համար կինը ձեռքերն օդում թափ տալով՝ մոտեցել է մանկաբույժին և դիտավորությամբ բռունցքներով երկու անգամ վերևից ներքև հարվածել է վերջինիս գլխի շրջանին, այդ ընթացքում ամուսինը մի կողմ է քաշել կնոջը և դիտավորությամբ ձախ ձեռքով հարվածել է մանկաբույժի աջ այտային շրջանին՝ վերջինիս պատճառելով աջ այտային շրջանի արյունազեղման փակ գանգուղեղային վնասվածքի ձևով առողջության թեթև վնաս՝ առողջության կարճատև քայքայումով: Երկուսի նկատմամբ էլ խափանման միջոց է ընտրվել ստորագրություն չհեռանալու մասին: Մանրամասները՝ թերթի այսօրվա համարում
Հետևեք մեզ Viber-ում
