Մենք չափազանց խիստ զգուշավորություն ենք ցուցաբերում. Հայկ Մարտիրոսյան
«Եթե դու անմեղ մարդուն ուղղարկում ես կտտանքների կամ մահապատժի, ապա դառնում ես մեղսակից»,-այսօր Հայելի ակումբում քաղաքագետ Հայկ Մարտիրոսյանը անդրադարձավ « Զվարթնոց » օդանավակայանում ձերբակալված Բահրեյնի քաղաքացուն, ով հետախուզվում էր, որպես ահաբեկիչ: «2011թ. Ծոցի երկրներում ընդունվել է դրակոնյան օրենքներ,որոնք յուրաքանչյուր բողոք,կամ մի քանի հոգու հավաքը որակում են որպես ահաբեկչություն:Մենք հստակ պետք է իմանանք արդյոք նա ահաբեկիչ է, թե՞ ոչ»,-քաղաքագետը հիշեցրեց, որ արդեն մի քանի միջազգային կազմակերպություններ դիմել են ՀՀ , որպեսզի քաղաքացուն չհանձնեն Բահրենի իշխանություններին: Բանախոսը անդրադարձավ նաև ռուս-թուրքական հարաբերություններին. «Ռուս-թուրքական հարաբերությունններում աննախադեպ ռազմական կոնֆլիկտ առաջիկա տարիների չի լինի:Ռուսական կողմը ուղղակի ուժեղացնում է իր ռազմական կոնտիգենտը և ցուցադրում է իր ուժերը Թուրքիային»:Հայկ Մարտիրոսյանի կարծիքով չպետք է սահմանային լարվածությունը կապենք նախագահների հանդիպման հետ:Նրա կարծիքով Ադրբեջանը հստակ ունի իր ծրագիրը և փորձում է հոգեբանական լարվածություն մտցնել . «Ադրբեջանի կարծիքով հայերը զավթիչ ուժ են և ուղղակի Հայաստանը պետք է վերացնեն քարտեզի վրայից: Այս պահին մեր քայլերը ամոթալի են:Մենք չափազանց խիստ զգուշավորություն ենք ցուցաբերում և գրեթե վախկոտ ենք:Եթե մենք այլ քաղաքականություն վարեինք, ապա կունենայինք հարաբերություններ քրդերի հետ և մի շարք ծրագրեր»: Քաղաքագետը իր դժգոհությունը հայտնեց և առաջարկեց, որպեսզի առաջնորդվենք Իսրաելի օրինակով, ով գտնվելով նույն վիճակում՝ տասն անգամ ավել պատասխան է տալիս:
Հետևեք մեզ Viber-ում
