Երբ կապացուցվի, որ Մասիսի քաղաքապետը մեկնումեկին ապտակել է, եզրակացություններ կանեմ. Մուրադ Մուրադյան
«Ազգային ժողովի 8 պատգամավորի ստորագրությամբ երաշխավորագիրը՝ Մասիսի քաղաքապետի խափանման միջոցը փոխելու վերաբերյալ, փոխանցվել է փաստաբաններին: Իրավական առումով մեկ պատգամավորի ստորագրությունն էլ բավարար է՝ երաշխավորություն ներկայացնելու համար: Մուրադյանը նշեց, որ իրեն հայտնի չէ, թե ինչ պատասխան կտրվի երաշխավորագրին: Ես փաստաբաններին չեմ տեսել, ինձ ոչինչ չեն ասել: Ամեն դեպքում, երբ կապացուցվի, որ քաղաքապետն ու իր տեղակալը մեկնումեկին ապտակել են, մի քար են նետել, եսիմ ինչ են արել, ես ձեզ հետ միասին եզրակացություններ կանեմ: Ես Դավիթ Համբարձումյանին ճանաչում եմ ծնված ժամանակներից: Ես երևի միակ մարդ են այս քաղաքում, ով տարբեր պաշտոնների ժամանակ ապրել է գյուղում, ապրում է գյուղում:Դավիթ Համբարձումյանը շատ հանգիստ, համեստ, խելոք տղա է եղել, հիմա Ռեմբոյի արկածներից եք պատմում իր մասին, ես զարմանում եմ, որ նման բաների ընդունակ է»,- լրագրողների հետ զրույցում ասաց ԱԺ ՀՀԿ խմբակցության պատգամավոր Մուրադ Մուրադյանը:
«Քաղաքապետի պաշտոնում Դավիթ Համբարձումյանը լավ է աշխատել, ինչի մասին կվկայի ժողովուրդը: Ես, որ գովեմ, կասեք Ձեր մոտիկն ա, ծանոթն է, մի գյուղում ապրել եք, բան, գնացեք ժողովրդից հարցրեք, ճիշտը դա կլինի: Իսկ եթե ինչ-որ բան արել է…Ոչ մի փաստ չկա, եթե կլինի, բոլորս կտեսնենք: Ես ուզում եմ, որ օբյեկտիվ քննություն տարվի: Մենք էլ՝ որպես պատգամավորներ, երաշխավորում ենք, որ ազատ արձակման ժամանակ քննությանը չի խոչընդոտելու: Մասիսի բնակիչները երեկ փակել էին ճանապարհը, այսօր էլ են որոշել ձայն բարձրացնել: Մի ժամանակ, որ 50 հոգի խաչմերուկ էր փակում, լավ տեղյակ էիք, հիմա որ 1000 հոգուց ավել մարդ հավաքվել, փակել է, տեղյակ չե՞ք »,- նշեց Մուրադ Մուրադյանը:
«Մամուլը հաճախ հրապարակում է ոչ իրականությանը համապատասխան լուրեր: Որդուս մասին նարկոտիկի, բանի մասին գրում էին, հիմա էլ հերքում են: Էն ժամանակ ինչ ասես գրեցին, ես էլ ասացի, որ պատվիրատուի ծնողներն են նարկոմանները: Ինչ ասես գրեցին, հիմա էլ հերքում են, դատարանը որոշել է, որ նման բան չկա: Էս արդարությո՞ւն է: Հիմա էլ համբերեք, ես չեմ հավատում, որ ինքը էդքան բանի ընդունակ է»,- նշեց նա:
Հետևեք մեզ Viber-ում
