«Թեժ կրքեր»` Ծաղկալանջում. Համայնքի ղեկավարը պարզաբանեց

Մարտի 14-ին լարված իրավիճակ էր Արմավիրի մարզի Ծաղկալանջ գյուզում: Արդեն 4-րդ օրն  է` գյուղի դպրոցում դասերը կաթվածահար են եղել: Ծնողները հրաժարվում են երեխաներին ուղարկել դպրոց՝ պատճառաբանելով, որ նախկին տնօրենի թոշակի անցնելուց հետո Արմավիրի մարզպետ Աշոտ Ղահրամանյանի կարգադրությամբ տնօրենի պաշտոնակատար է նշանակվել, իսկ հետո էլ նույն մարզի Արագած գյուղից Նարեկ անունով մեկին բերել են և ասում են, որ նա պետք է լինի տնօրեն: «Վաղվանից երեխաները կհաճախեն դպրոց, խնդիրներն արդեն լուծվել են: Մեր գյուղի գյուղացիների պահանջը, խնդրանքն այն էր, որ տնօրենը լիներ մեր գյուղից: Մոտ մեկ ամիս հետո տնօրենի ընտրությունները կլինեն, գյուղից կա մարդ, ով իր թեկնածությունը կդնի: Հաստատ ամեն բան կարգավորվելու է: Կարիք չկա ավելորդ բարդացնելու իրավիճակը»,- Հայելի.am -ի հետ զրույցում ասաց Ծաղկալանջ համայնքի ղեկավար  Մանվել Մկրտչյանը: Այս պահի դրությամբ որոշում է ընդունվել՝ Ծաղկալանջ գյուղի դպրոցի ժամականավոր պաշտոնակատար նշանակել մարզպետարանի աշխատակից   Սամվել Հարությունյանին: Աստղիկ Ավագյան