Նորից արյուն. Կրեմլի դաժան քննադատները հատ-հատ վերացվում են
Երեկ երեկոյան Կիևում սպանվել է ռուսաստանցի հայտնի լրագրող, Կրեմլի կոշտ ընդդիմախոս Արկադի Բաբչենկոն։ Մի քանի անգամ կրակել են նրա մեջքին՝ իր բնակարանի մուտքի մոտ։ Բաբչենկոն տուր էր վերադառնում խանութից։ Ռուսաստանի քննչական կոմիտեն քրեական գործ է հարուցել Բաբչենկոյի սպանության գործով։ Քրեական գործ է հարուցել նաև Ուկրաինայի քննչական կոմիտեն։ Ռուսական մամուլը շտապել է գրել, թե Կիևը վտանգավոր քաղաք է դարձել և այնտեղ պարբերաբար սպանվում են Ռուսաստանի քաղաքացիներ՝ օրինակ լրագրող Պավել Շերեմետևը, նախկին պատգամավոր Դենիս Վորոնենկովը, հիմա էլ լրագրող Յուրի Բաբչենկոն։ Հետաքրքրականն այն է սակայն, որ Կրեմլին մոտ կանգնած աղբյուրները չեն հստակեցնում, որ բոլոր այդ մարդիկ Կրեմլի դաժան քննադատներն են։ Կիևի ազգային ոստիկանության ղեկավար Անդրեյ Կրիշենկոն հայտարարել է, որ Բաբչենկոյի սպանության առաջին և ակնհայտ վարկածը նրա մասնագիտական գործունեությունն է, սակայն ավելի հստակ վարկածների մասին, ըստ Կիևի ազգային ոստիկանության ղեկավարի, դեռ վաղ է խոսել։ Բաբչենկոյի կինը բնակարանում էր և կրակոցները լսելուց հետո դուրս է եկել միջանցք և միջանցքում ամուսնուն տեսել արյան մեջ։ 40-ամյա տղամարդը մահացել է շտապօգնության մեքենայում։ Բաբչենկոյի նկատմամբ վերաբերմունքը միանշանակ չէր։ Նա շատ կոշտ էր քննադատում ոչ միայն Ռուսաստանի իշխանություններին, այլ նաև Ռուսաստանի նախագահ Վլադիմիր Պուտինին աջակցող ռուսաստանցիներին։ Սակայն նրա սպանության մասին լուրը զայրացրել էր նույնիսկ նրա քննադատներին։ Լրագրող և բլոգեր Բաբչենկոյի հասցեին պարբերաբար սպառնալիքներ էին հնչում և նա ստիպված էր Ռուսաստանից հեռանալ։ Նա տեղափոխվել էր նախ Պրահա, իսկ Պրահայից արդեն աշխատանքի հրավերով տեղափոխվել էր Կիև, որտեղ աշխատում էր տեղի հեռուստաընկերություններից մեկում։ Ահա, հերթական դաժան փաստ. թափվեց Կրեմլի քննադատներից մեկի արյունը, պուտինյան Ռուսաստանի հետևողական քննադատներից հերթական մեկը չկա: Իսկ մարդասպանությունների շարանը շարունակվում է: Մոսկվան «հետաքրքրական» մարտավարություն է որդեգրել. Ուկրաինային մեղադրում է ռուսաստանցի լրագրողների սպանության մեջ, ցավակցություն հայտնում և ապահովում համապատասխան քարոզչություն, թե՝ «տեսեք ինչպիսի անարխիա է Ուկրանիայում, անընդհատ ռուսներ են սպանվում...»: Մետաքսյա Շալունց
Հետևեք մեզ Viber-ում
