Ալեն Սիմոնյանը, բոլոր չեմպիոնների նման, ուզում է նվաճել բոլոր բարձունքները

Երևան քաղաքի ավագանու 3-րդ նստաշրջանի 4-րդ նիստից առաջ ,լրագրողների հետ զրույցում ՀՀ ազգային ժողովի պատգամավոր,Երևանի ավագանու «Ելք» խմբակցության նախկին անդամ Ալեն Սիմոնյանն ասաց շարունակելու է զբաղվել Երևանի խնդիրներով: «Չեմ մասնակցի ավագանու այսօրվա նիստին, բայց եկել եմ  քաղաքապետարան՝ ծանոթանալու նիստի օրակարգին: Ես՝ որպես ԱԺ պատգամավոր, իրավունք ունեմ մասնակցելու ավագանու նիստին, կարող եմ լինել դահլիճում: Այսօր օրակարգում չորս հուշատախտակի հարց է քննարկվելու, ինչպես նաև հարց ու պատասխան է լինելու»,-ասաց Սիմոնյանը: «Որպես պատգամավոր, քաղաքացիների հետ իր ընդունելությունները կազմակերպելու եմ  քաղաքապետարանում:  Երևանի քաղաքապետարանն ինձ համար հարազատ շենք է, և, որպես պատգամավոր, օրենքն ինձ այդ լիազորությունները տալիս է: Կարծում եմ, Երևանի կենտրոնի բնակիչներին ավելի հեշտ կլինի այստեղ հասնել»,-ասաց Ալեն Սիմոնյանը: Երևանի քաղաքապետի հնարավոր ընտրության անցկացմանը և դրանում իր մասնակցության մասին  Ալեն Սիմոնյանն ասաց, որ ինչպես բոլոր չեմպիոնները, ինքն ևս ուզում է նվաճել բոլոր բարձունքները, որպեսզի հնարավորություն ունենա ինչ-որ բան փոխել մեր երկրում: «Այսօր ամենակարևոր խնդիրը նոր ընտրություններ կազմակերպելն է, և ում երևանցին ընտրի որպես քաղաքապետ, մենք բոլորս նրան կշնորհավորենք»,- հավելեց Ալեն Սիմոնյանը: