Երևանի թիվ 19 պոլիկլինիկայի հարցով կզբաղվի դատախազությունը

Մի փոքր մանրամասնեմ 19 պոլիկլինիկայում կատարվածի մասին։ Մեզ դիմել էին մի քանի տասնյակ քաղաքացիներ տնօրենի խայտառակ պահվածքի և առկա անօրինությունների հետ կապված։ Այսօր պոլիկլինիկայում հանդիպեցինք նրանցից մի քանիսին, ովքեր համարձակություն չունեցան բարձրաձայնել իրենց խնդիրները, այդ թվում նաև ամենամսյա 30.000-50.000 դրամ պարտադիր վճարումներ, աշխատավարձներից պահումներ, հալածումներ... Ինչ վերաբերվում է մամոգրաֆիայի սարքավորմանը. լրատվականների հետ միասին ֆիքսեցինք հետևյալը՝ ստեղնաշարը փոշու մեջ կորած էր, այն երկար ժամանակ է, ինչ չի աշխատում, գրանցամատյանում վերջին տվյալը լրացվել է 2017 թվականի հունիս ամսին, բայց, «տարօրինակ» է, որ դրամարկղում բժիշկներն ու հիվանդները հետազոտության համար գումար են մուտք անում։ Վերջինիս հետ կապված պատրաստվում ենք դիմել դատախազություն: Թեհիմինա Վարդանյան