Մանե Թանդիլյանը ժառանգել է «աղքատությա՞ն» նախարարությունը

«Աղքատության հաղթահարումը հնարավոր կլինի միայն տնտեսական աճի շնորհիվ: Աղքատության դեմ պայքարը իրականում տնտեսության զարգացման, աշխատանքի ապահովման հնարավորության մեջ է, որ ամբողջ պետության գործն է, որ ստեղծվեն պայմաններ, որտեղ մարդիկ աշխատեն և աղքատությունը նվազի»,- ԱԺ-ում լրագրողների հետ զրույցում հայտարարեց  Աշխատանքի և սոցիալական հարցերի նախարար Մանե Թանդիլյանը չհամաձայնելով լրագրողի դիտարկմանը, որ ինքը ժառանգել է «աղքատության» նախարարությունը: «Աղքատությունը մեր պետության խնդիրն է, թեև դա ավելի շատ անդրադառնում է իմ ղեկավարած նախարարությանը:Մենք ավելի շատ պետք է աշխատենք: Բայց ժամանակ կպահանջվի, դա տնտեսական ցուցանիշների հետ է սերտ կապված»: