Երեկ՝ մայիսի 25-ին, արտակարգ դեպք է տեղի ունեցել Երևանում։ Ժամը 22։00-ի սահմաններում «Սուրբ Գրիգոր Լուսավորիչ» բժշկական կենտրոնից ոստիկանության Նոր Նորքի բաժին հայտնել են, որ «կրծքավանդակի աջ կեսի կտրած-ծակած վերք, աջ դաստակի ափային մակերեսի կտրած վերք» ախտորոշմամբ իրենց մոտ է տեղափոխվել մի երիտասարդ տղա։ Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Նոր Նորքի բաժնի օպերատիվ խումբը՝ բաժնի պետ Արթուր Մկրտչյանի գլխավորությամբ։ Ոստիկանները պարզել են, որ վիրավորը Նոր Նորք վարչական շրջանի բնակիչ՝ 29-ամյա Արթուր Մ.-ն է, ով հիվանդանոց է տեղափոխվել Գայի պողոտայում գործող «Ծիրան» սուպերմարկետի մոտից։
Մինչ բժիշկները կփրկեին վիրավորի կյանքը, Նոր Նորքի ոստիկանները, համագործակցելով ոստիկանության Երևան քաղաքի վարչության քրեական հետախուզության բաժնի իրենց գործընկերների հետ, պարզել են, որ հիվանդանոց տեղափոխվելուց կարճ ժամանակ առաջ նշված սուպերմարկետի մոտ վիճաբանություն է տեղի ունեցել Արմավիրի մարզի բնակիչ՝ 24-ամյա Ռազմիկ Գ.-ի և վիրավորի միջև, որի ժամանակ Ռազմիկ Գ.-ն իր մոտ եղած սուր կտրող-ծակող առարկայով հարվածել է Արթուր Մ.-ի կրծքավանդակին, որից հետո փորձել է ВАЗ 2121 մակնիշի 21 FR 021 համարանիշի ավտոմեքենայով դիմել փախուստի, սակայն իր կամքից անկախ՝ չի կարողացել ավտոմեքենայով ճողոպրել և իջել է ավտոմեքենայից ու դիմել փախուստի։ Փաստի առթիվ ոստիկանության Նոր Նորքի բաժնի հետաքննչական բաժանմունքում նյութեր են նախապատրաստվում։
Նշանակվել է մի շարք փորձաքննություններ, այդ թվում՝ դատաբժշկական։ Ոստիկանությունը ձեռնարկում է անհրաժեշտ օպերատիվ միջոցառումներ՝ Ռազմիկ Գ.-ին հայտնաբերելու ուղղությամբ։ Գ. Շամշյանի տեղեկություններով՝ հիվանդանոց տեղափոխված Արթուր Մ.-ն աշխատում է «Ծիրան» սուպերմարկետի տարադրամի փոխանակման կետի պատասխանատու։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Փետրվարի 14-ին՝ ժամը 13։00-ին, Հայելի ակումբի հյուրն է ՀՀ նախկին վարչապետ Հրանտ Բագրատյանը
Փետրվարի 14-ին՝ ժամը 12։00-ին, Հայելի ակումբի հյուրն է Արա Վարդանյանը
Փետրվարի 13-ին՝ ժամը 13։30-ին, Հայելի ակումբի հյուրն է Արմենուհի Կյուրեղյանը
Փետրվարի 13-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Փետրվարի 13-ին՝ ժամը 13։00-ին, Հայելի ակումբի հյուրն է Դերենիկ Մալխասյանը
Փետրվարի 13-ին՝ ժամը 12։00-ին, Հայելի ակումբի հյուրն է Հայկ Այվազյանը
Փետրվարի 13-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Փետրվարի 12-ին՝ ժամը 11։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Փետրվարի 12-ին՝ ժամը 16։00-ին, Հայելի ակումբի հյուրն է ՀՀԿ-ական Հենրիխ Դանիելյանը
Փետրվարի 12-ին՝ ժամը 14։00-ին, Հայելի ակումբի հյուրն է քաղաքագետ Սերգեյ Շաքարյանցը
Հետևեք մեզ Viber-ում
