«ՃՈ տուգանքները վճարած բարեխիղճ քաղաքացիներն ասում են՝ վերադարձրեք մեր գումարները». Վալերի Օսիպյան

Կառավարության այսօրվա նիստում ՀՀ ոստիկանապետ Վալերի Օսիպյանն ասաց, որ տուգանքների համաներման մասին որոշումից հետո բարեխիղճ քաղաքացիներն, ովքեր վճարել են ՃՈ տուգանքներն, ասում են՝ վերադարձրեք մեր գումարները: «Հիմա պետք է փորձենք բացատրել եղելությունը և կայացված որոշման հետևանքները: Պետք է քննարկել տեսակետներն ու կայացնել հավասարակշռված որոշում: Այո, բարեխիղճ քաղաքացիները վճարել են, շատերն էլ չեն վճարել, մեծ հավանականությամբ՝ չեն ունեցել գումար: Քաղաքացին իրեն չպետք է զգա որպես տուգանվելու օբյեկտ, որին պետությունն ուզում է բռնի, տուգանի»,- ասաց Վալերի Օսիպյանը: