Նոր մանրամասներ.որն է եղել Արմավիրում սննդային թունավորման պատճառը

Մայիսի 17-ին, ժամը 18:34-ին Արմավիրի ԲԿ-ից «911» ծառայությանը տեղեկություն է ստացվել, որ սննդային թունավորման ախտանիշներով իրենց է դիմել Արմավիրի մարզի Արևադաշտ գյուղի մոտակայքում գտնվող խաղողագործությամբ զբաղվող «Հայաստանի հողեր» փակ բաժնետիրական ընկերության 90 աշխատակից: Նրանցից 20-ը, ստանալով համապատասխան բուժօգնություն, դուրս են գրվել: 30-ը տեղափոխվել են Մեծամորի բժշկական կենտրոն և այժմ անցնում են բուժզննում: Արմավիրի բժշկական կենտրոն է մեկնել ՀՀ ԱԻՆ ՓԾ Մարզային փրկարարական վարչության օպերատիվ խումբը: Ժամը 20:00-ի դրությամբ 2 հիվանդանոցներում բուժօգնություն է ստանում 55 աշխատակից: Ժամը 20:30-ի դրությամբ 2 հիվանդանոցներում բուժօգնություն է ստանում 60 աշխատակից: Ժամը 21:00-ի դրությամբ հիվանդանոց է դիմել 67 աշխատակից: Ժամը 22:30-ի դրությամբ թունավորվածների ընդհանուր թիվը 70 է (32 կին և 38 տղամարդ): Բժիշկները տուժածների առողջական վիճակը գնահատել են կայուն: Մեր ունեցած տեղեկություններով,աշխատակիցները նույն օրը ճաշին հավի մսով և պանրով բուտերբրոդներ են կերել,որից հետո բոլորի ինքնազգացողությունը վատացել է: