Ո՞վ է հաց բերողի մահվան պատասխանատուն. Էդմոն Մարուքյանը` ՀՀ գլխավոր դատախազին (video)
ԱԺ Պետաիրավական և մարդու իրավունքների պաշտպանության մշտական հանձնաժողովի նիստի ընթացքում «Ելք» խմբակցության պատգամավոր Էդմոն Մարուքյանը ՀՀ գլխավոր դատախազ Արթուր Դավթյանին ուղղեց մի քանի հարցեր, մասնավորապես ԱԺ պատգամավորներ Նիկոլ Փաշինյանի, Արարատ Միրզոյանի և Սասուն Միքայելյանի ձերբակալման վերաբերյալ, Հաց բերող-ի մահվան և «Զիբիլիքսի» վերաբերյալ: Հարցին՝ ի՞նչ հիմքով են ձերբակալվել պատգամավորները, դատախազը պատասխանեց. «Պատգամավորները ձերբակալվել են անօրինական ցույցեր կազմակերպելու համար, իսկ անձեռնմխելիությունից միջնորդություն է ներկայացվել ԱԺ միայն Նիկոլ Փաշինյանի վերաբերյալ, բայց այդ ժամանակվա վարչապետ Կարեն Կարապետյանը դիմել է իրեն, ու կասեցրել են դիմումի ընթացքը »: Գլխավոր դատախազը հերքեց, որ այս ձերբակալությունները եղել են քաղաքական: Խոսելով Հաց բերողի մահվանն առնչվող հարցերից, որտեղ Էդմոն Մարուքյանը հիշեցրեց, որ իրենց դիմել էին գլխավոր դատախազին և զգուշացրել, որ Արթուր Սարգսյանը կմահան, եթե նրան ազատ չարձակեն, գլխավոր դատախազը պատասխանեց, որ բազմիցս նշել է՝ Արթուր Սարգսյանը կալանքի տակ եղած ժամանակ չի մահացել, այլ հիվանդանոցից դուրս գալուց հետո, գործ է հարուցվել, նախաքննությունը դեռ չի ավարտվել։ Վերջում անդրադառնալով «զիբիլիքսի»-ի հարցին՝ գլխավոր դատախազը նշեց, որ դրանց հետ կապված գործ է հարուցվել, մի քանի օր առաջ դատարանի որոշում է հրապարակվել, ըստ որի` խախտում է հայտնաբերվել։ Առավել մանրամասն՝ տեսանյութում.
Հետևեք մեզ Viber-ում
