Սերժ Սարգսյանն անընդհատ աջակցել է ինձ. Ռուբեն Հայրապետյան
ՀՖՖ նախագահ Ռուբեն Հայրապետյանն այսօր կայացած մամուլի ասուլիսի ընթացքում դիմել է Հայաստանի նոր իշխանություններին։ Հարցին, թե այժմ ֆուտբոլային խաղերին Սերժ Սարհսյանի փոխարեն ում են հրավիրելու, Հայրապետյանն ասաց, որ ինքն անձաբ չի հրավիրել նախկին վարչապետին: «Ես որևէ անգամ Սերժ Սարգսյանին անձամբ չեմ հրավիրել ֆուտբոլային հանդիպումներին: Նա ֆուտբոլի մեծ սիրահար է և միշտ մեր ֆուտբոլի կողքին էր, աջակցել է ինձ: Կարծում եմ՝ նոր իշխանություններն էլ են ֆուտբոլ սիրում»,- ասաց նա: Նա ընդգծեց, որ հիմա էլ ունեն իշխանության աջակցության խնդիրը: «Ես կարծում եմ, որ նոր իշխանությունը կաջակցի ֆուբոլին, չի լինի մի իշխանավոր, առավել ևս, որ հարցը վերաբերում է ազգային հավաքականին, չօգնի, չի կարա էնպես լինի, որ սիրի հավաքականն այնպես, ինչպես Սերժ Սարգսյանը, բայց կարծում եմ, կսիրի: ։ Բացի այդ, մենք նոր հրավիրված ֆուտբոլիստների հարցում հատկապես ունենք իշխանությունների օգնության կարիքը», -նշեց ՀՖՖ նախագահը:
Հետևեք մեզ Viber-ում
