Այսպիսի կազմով վերջին անգամ ենք հանդիպում.Փաշինյան
ԿԳ փոխնախարար Վահրամ Մկրտչյանը կառավարության նիստի ընթացքում ներկայացրեց հարց, որով 150 միլիոն դրամ գումար է հատկացվում նախարարությանը, որպեսզի հետագայում նվիրաբերության պայմանագրով հանձնեն Գյուղատնտեսական ակադեմիային: Որպեսզի գյուղակադեմիայի խորհուրդը կարողանա տրամադրել գումար վերանորոգման համար, խնդրեց վարչապետին անդրադառնալ խորհրդի կազմի ընդունմանը, քանի որ վարչապետի որոշումն է պետք դրա համար,ասաց փոխնախարարը: Վարչապետ Փաշինյանն ասաց, որ հնարավորինս սեղմ ժամկետներում կանդրադառնա այս հարցին, ապա ներկայացրեց իրենց քաղաքական դիրքորոշումը: «Բուհերի խորհուրդների ձևավորման ընթացքի պրոցեսն այդքան էլ լավը չէ, ես կարծում եմ` սա թեմա է, որ պետք է քննարկենք, բուհական համակարգին ակադեմիական և, ընդհանրապես, ինքնավարություն պետք է տալ», – նշեց վարչապետը: ՀՀ վարչապետ Նիկոլ Փաշինյանը այսօր կառավարության նիստի ավարտին շնորհակալություն հայտնեց կառավարության անդամներին և նշեց.«այսպիսի կազմով վերջին անգամ ենք հանդիպում, բոլորիդ հաջողություն եմ մաղթում, նաև հաջողություն եմ մաղթում նոր ձևավորվող կառավարությանը»,-նշեց նա:
Հետևեք մեզ Viber-ում
