Հուսով եմ՝ լավ տրամադրություն ունեք.վարչապետը՝կառավարության անդամներին
«Հուսով եմ՝ լավ տրամադրություն ունեք:Քիչ առաջ տեղեկացա, որ Արմավիրի մարզում կարկտահարություն է տեղի ունեցել, ի՞նչ վիճակ է: Կցանկանամ՝ գյուղնախարարը զեկուցի »,- Կառավարության նիստի սկզբում՝ դիմելով գործադիրի անդամներին, ասաց նորանշանակ վարչապետ Նիկոլ Փաշինյանը ,ապա դիմեց Գյուղատնտեսության նախարարի պաշտոնակատար Իգնատի Առաքելյանին: «Մենք ուղարկել ենք համապատասխան անձնակազմին, որպեսզի ծանոթանան իրավիճակին: Վնասները մեծ ծավալի չեն, բայց կան վնասված այգիներ: Կգնահատեն վնասի չափը, կտեղեկացնեն»,ասաց նա: Փաշինյանը հետաքրքրվեց՝ նման դեպքերում կառավարությունն ի՞նչ փոխհատուցում է տրամադրում: «Նախորդ ժամանաշրջանում զիջել ենք հողի հարկը կամ որևիցե պարտավորություն, որ ունեցել է տնտեսությունը՝ ջրի, հողի հարկ, սերմների գումար»,- պատասխանեց նախարարի պաշտոնակատարը: «Մենք թեմային կանդրադառնանք: Պետք է այնպես անել, որ աջակցությունը կլինի արդյունավետ»,- արձագանքեց վարչապետը:
Հետևեք մեզ Viber-ում
