Նիկոլ Փաշինյանն այսօր բացառիկ հարցազրույց է տվել Վրաստանի «Առաջին ալիքին»
Վրաստանում Հայաստանի դեսպանության ֆեյսբուքյան էջում գրառում է կատարվել, որով դեսպանությունը տեղեկացնում է, որ Փաշինյանը հարցազրույց է տվել Վրաստանի «Առաջին ալիքին»: Դեսպանությունից մասնավորապես հայտնել են, որ վարչապետն իր խոսքում նշել է, որ Վրաստանը Հայաստանի բարեկամ երկիրն է: «Վրաստանի և Հայաստանի եղբայրական հարաբերությունները պետք է զարգացում ապրեն, քանզի մենք եղբայրական երկրներ և գործընկերներ ենք: Մեր կուսակցության ծրագրում Վրաստանը որոշիչ դեր ունի Հայաստանի համար: Կարծում եմ, մեր հարաբերությունները պետք է զերծ լինեն աշխարհաքաղաքական գործոններից և ազդեցությունից, որոնք, ցավոք, ոչ միշտ են դրական: Հայաստանը և Վրաստանը պետք է խորացնեն հարաբերությունը բոլոր ուղղություններով, ինչպես տնտեսական և քաղաքական, այնպես էլ մեր երկու ժողովուրդների միջև»,- ասել է Նիկոլ Փաշինյանը:
Հետևեք մեզ Viber-ում
