Արտակարգ դեպք Երևանում. ՖՈՏՈՌԵՊՈՐՏԱԺ

SHAMSHYAN.com-ի տեղեկություններով՝ Արտակարգ իրավիճակների նախարարության փրկարար ծառայությունում նյութեր են նախապատրաստվում երեկ՝ մայիսի 9-ին, Երևանում, ավտոմեքենայում առաջացած հրդեհի հանգամանքները պարզելու համար։ Ժամը 19։30-ի սահմաններում ԱԻՆ ՓԾ օպերատիվ կառավարման կենտրոն ահազանգ է ստացվել, որ Բաշինջաղյան փողոցի թիվ 112 հասցեի մոտ ավտոմեքենա է այրվում։ Ինչպես հայտնում է ֆոտոլրագրող Գագիկ Շամշյանը, հրդեհի վայր են ժամանել թիվ 7 հրշեջ-փրկարարական ջոկատը։ Հրշեջները մարել են Opel Astra մակնիշի 35 QF 110 համարանիշի ավտոմեքենայում առաջացած հրդեհը, սակայն ավտոմեքենան ամբողջովին վերածվել է մոխրակույտի։ Ըստ նախնական տեղեկությունների՝ հրդեհի հետևանքով զոհեր և վիրավորներ չկան, և այդ պահին ավտոմեքենայի մեջ չի եղել նաև սեփականատերը՝ Երևանի բնակիչ Արևշատ Հովհաննիսյանը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Կարեն Գրիգորյանի