Խոշոր ավտովթար Արարատի մարզում. բախվել են Mercedes-ը, Mitsubishi-ն, Toyota Corolla-ն ու Opel-ը. վերջինները հայտնվել են դաշտում. Opel-ն էլ կողաշրջվել է. կան վիրավորներ. ՖՈՏՈՌԵՊՈՐՏԱԺ

Երեկ՝ մայիսի 8-ին, խոշոր ավտովթար է տեղի ունեցել Արարատի մարզում։ Ժամը 17։30-ի սահմաններում Երևան-Երասխ ավտոճանապարհի 22-րդ կմ հատվածում բախվել են Արարատի մարզի Շահումյան գյուղի բնակիչ Արթուր Ներսիսյանի վարած Mercedes մակնիշի 35 NF 949 համարանիշի, Երևան քաղաքի բնակիչներ ՝ 33-ամյա Լևոն Խաչատրյանի վարած Mitsubishi մակնիշի 35 PV 736 համարանիշի, 44-ամյա Սերոբ Մարգարյանի վարած Toyota Corolla մակնիշի 472 OC 61 համարանիշի և Արարատի մարզի Փոքր Վեդի գյուղի բնակիչ՝ 53-ամյա Յուրիկ Ռուստամյանի վարած Opel Vectra մակնիշի 35 NT 425 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, բախման հետևանքով Opel-ն ու Toyota-ն դուրս են եկել ճանապարհի երթևեկելի գոտուց, բախվել գազատար խողովակին և հայտնվել դաշտում, Opel-ն էլ կողաշրջվել է։ Վթարի հետևանքով վարորդներից Ս. Մարգարյանը և Յու. Ռուստամյանի ուղևոր՝ համագյուղացի, 53-ամյա Գագիկ Հովհաննիսյանը մարմնակամն վնասվածքներով տեղափոխվել են Արտաշատի բժշկական կենտրոն։ Ժամեր անց Արտաշատի բժշկական կենտրոն է դիմել Արտաշատ քաղաքի բնակիչ՝ 30-ամյա Յուլիա Խամզինան, ով հայտնել է, որ ինքը մարմնական վնասվածք է ստացել նշված ավտովթարում և ինքը եղել է Toyota Corolla-ի ուղևոր։ Դեպքի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Տիգրան Գրիգորյանի, դասակի հրամանատար Սանասար Հարությունյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Գեղամ Մարգարանը տեղեկությունը փոխանցել է ոստիկանության Արտաշատի բաժին, որտեղից ժամանել է օպերատիվ խումբը՝ բաժնի պետ Արթուր Հովհաննիսյանի գլխավորությամբ։ Փաստի առթիվ ՃՈ 2-րդ սպայական գումարտակի 1-ին վաշտի հետաքննիչ Գեղամ Գրիգորյանի կողմից նյութեր են նախապատրաստվում։ Օպերատիվորեն ժամանել էին նաև ապահովագրական ընկերությունների ներկայացուցիչները։ Վիրավորներին առաջինը օգնության են հասել քաղաքացիները, իսկ դեպք վայրում հավաքվածները SHAMSHYAN.com-ի թղթակցին ասում էին, որ օպերատիվ են գործել բժիշկները։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի