Փաշինյանի հետ նախապայմաններով չես կարող խոսել. Գագիկ Ծառուկյան (video)
«Նիկոլ Փաշինյանի ասածը տեղին է՝ այն քաղաքական գործիչները, որոնք քաղաքականությունն իրենց համար բիզնես են համարում և քաղաքականությունը ծառայեցնում են իրենց բիզնեսի զարգացմանը, մենաշնորհ ձեռք բերելուն, պիտի տեղ չունենան քաղաքականության մեջ»,- լրագրողների հետ զրույցում ասաց «Ծառուկյան» խմբակցության ղեկավար Գագիկ Ծառուկյանը։
Հարցին, թե ինչու «Ծառուկյան» դաշինքը չցանկացավ վարչապետի սեփական թեկնածուին ներկայացնել, Գագիկ Ծառուկյանը նշեց, որ կարող էին դա անել, երբ Նիկոլ Փաշինյանն առաջին անգամ չընտրվեց, բայց իրենք հարգում ենք ժողովրդի որոշումը։
«Երբ առաջին անգամ Նիկոլ Փաշինյանը չընտրվեց որպես ընդիմություն, կարող էինք մեր թեկնածուին առաջադրել, բայց մենք հարգում ենք մեր ժողովրդին, այդպիսի նպատակ չունեի, և չեմ էլ ցանկում այդ ծանրության տակ մտնել:Փաշինյանի հետ նախապայմաններով չեն խոսել և չեն քննարկել նրա կառավարությունում պորտֆելներ ունենալու հարցը:Մենք այդպիսի հարցադրում Փաշինյանի առաջ չենք դրել և Փաշինյանն էլ այն մարդն է, որի հետ դու նախապայմաններով չես կարող խոսել », - նշեց նա:
Հետևեք մեզ Viber-ում
