Կցանկանայի հավատալ, որ Հայաստանում փոփոխության քամին չի վերածվի ավերիչ փոթորկի.Աշոտյան

Կցանկանայի հավատալ, որ Հայաստանում փոփոխության քամին չի վերածվի ավերիչ փոթորկի:Մենք  բոլորս  չենք քվեարկել «կողմ», այլ անհրաժեշտ քանակի ձայներ ենք ապահովել,օտարերկրյա լրագրողների հետ հանդիպման ժամանակ հայտարարեց ՀՀԿ փոխնախագահ, ԱԺ պատգամավոր Արմեն Աշոտյանը: Հարցին, թե արդյոք ՀՀԿ-ն չի օգտվի այն փաստից, որ խորհրդարանում մեծամասնություն ունի եւ կարգելափակի  վարչապետի նախաձեռնությունները, Աշոտյանը նշեց. «Իմ կուսակցության քաղաքական որոշումների տրամաբանությունը ավելի շատ հիմնված է առողջ դատողության վրա եւ իրականության հետ ավելի շատ աղերս ունի, քան հիմնված է զգացմունքների վրա: Շատ վաղ է խոսել կառավարության ծրագրի ապագայի մասին: Այն խորհրդարանում ներկայացվելուց անմիջապես հետո մանրամասն կքննարկվի:ՀՀԿ-ն կարող է «դրական ազդեցություն» ունենալ, հաշվի առնելով ձեռք բերված փորձը», - ասաց նա: Աշոտյանը շեշտեց, որ նոր կառավարությունը պետք է համարժեք եւ հնարավորինս արագ իրականացնի բնակչության ակնկալիքները կամ դա նոր հիասթափություն կառաջացնի: «Մենք չենք հանդուրժի նոր կառավարության անհաջողությունները, մենք մտադիր ենք քննադատել նրանց: Ռազմավարական փաստաթղթերի ժամանակն է », - ասաց նա: Միեւնույն ժամանակ, ՀՀԿ փոխնախագահը նաեւ նշեց, որ շատ կարեւոր է «բոլոր քաղաքական խաղացողների համար ընտրություններին հավասար հասանելիություն ապահովելը»: