Հայաստանը նոր վարչապետ ունի
59 կողմ և 42 դեմ ձայների հարաբերակցությամբ,ՀՀ ԱԺ նոր վարչապետ ընտրեց:Վարչապետ ընտրվեց ներկայացված միակ թեկնածու Նիկոլ Փաշինյանը: Իր խոսքում Փաշինյանն ասաց.ՙՙԾառայում են Հայաստանի Հանրապետությանը,ծառայում եմ հայ ժողովրդին՚՚: Համաձայն Սահմանադրության՝ խորհրդարանի ընտրած վարչապետին նշանակում է նախագահը: Դրանից հետո վարչապետը 5-օրյա ժամկետում պետք է ներկայացնի նախարարների և իր տեղակալների թեկնածուներին, որոնց նշանակման մասին տեղեկանքը ստորագրում է նախագահը 3-օրյա ժամկետում: Նշենք, որ վարչապետի ընտրության առաջին փուլը տեղի էր ունեցել մայիսի 1-ին, երբ ԱԺ Հանրապետական խմբակցությունը դեմ քվեարկեց թեկնածուին: Այս անգամ Հանրապետական կուսակցության գործադիր մարմնի և նաև խորհրդարանական խմբակցության որոշմամբ, վարչապետի թեկնածուին կողմ քվեարկեցին խմբակցության անդամ այն պատգամավորները, որոնք հիմնականում ներկայացված են գործարար հատվածում: Հանրապետական խմբակցության քաղաքական թիմը ինչպես մայիսի 1-ին, այնպես էլ այսօր դեմ քվեարկեց առաջադրված թեկնածուին:
Հետևեք մեզ Viber-ում
