Եվրամիությունը չպետք է «հոգին վաճառեր» Էրդողանին
Գերմանական Handelsblatt թերթի փոխանցմամբ՝ այն բանից հետո, ինչ ԵՄ-ը օգնության հարցով դիմել է Թուրքիային՝ փախստականների ճգնաժամը լուծելու համար, նրա մոտ չի մնացել ազատության ընտրություն, այժմ նա հարկադրված կլինի պասիվ հետևել այն ամենին, թե ինչպես է Անկարան վճռում իր ճակատագիրը։Ըստ էության միակ ելքը, որն այս պահին առաջարկում է Թուրքիան՝ փախստականների փոխանակությունն է: Սկզբում Անկարան իր տարածք կվերադարձնի բոլոր ապօրինի ներգաղթյալներին, որոնք փորձում են ԵՄ մտնել ծովով, իսկ հետո բոլոր գրանցված սիրիացի փախստականներին Եվրոպա կուղարկվի՝ նրանց համար ստեղծելով փրկության օրինական ճանապարհներ, բացատրում է պարբերականը: Թուրքիայի նախագահ Ռեջեփ Էրդողանը հստակ հասկացրել է, որ եթե Եվրոպան չկատարի իր պայմանները, ապա կանի ամեն ինչ, որպեսզի իրավիճակը դառնա էլ ավելի վատ։ Էրդողանը քանիցս սպառնացել է մեծացնել Եվրոպա փախստականների հոսքը՝ նրանցով լեցուն ավտոբուսներ ուղարկելով դեպի ԵՄ-ի սահման։ Բրյուսելն արդեն չի կարող ուղղել իր սխալը, բայց նա առնվազն պետք է դասեր քաղի դրանից։ «Եվրոպան պետք է ամբողջովին բացառի Թուրքիայի անդամակցությունը Եվրամիությանը, ու այլեւս երբեք չապավինի նրա օգնությանը»,- եզրակացնում է հոդվածագիրը:
Հետևեք մեզ Viber-ում
