Ովքեր են քվեարկելու Փաշինյանի օգտին. հայտնում է Շարմազանովը (video)
«Մենք՝ որպես կուսակցություն, մնում ենք մեր սկզբունքային կարծիքին և օժանդակելու ենք վարչապետի թեկնածու Նիկոլ Փաշինյանին»,- ՀՀԿ խորհրդի նիստից հետո լրագրողների հետ զրույցում ասաց Էդուարդ Շարմազանովը: Նա չհստակեցրեց, թե կոնկերտ քանի ձայն է ապահովելու ՀՀԿ-ն՝ նշելով, որ եթե 45 ձայն արդեն կա, մնացածը՝ լինի 8, թե 10, իրենք կապահովեն։ Թե ովքե՞ր են կողմ քվեարկելու, ՀՀԿ խոսնակը նշեց, որ այդ մասին վաղը կասի խմբակցության ղեկավար Վահրամ Բաղդասարյանը։ «Եթե ես չեմ սխալվում, Փաշինյանի օգտին հավաքվել է 45 ստորագրություն և Հայաստանի Հանրապետական խմբակցությունը համապատասխան քանակությամբ ձայներով կապահովի, որպեսզի մենք ունենանք վարչապետ։ Այդ ամենը լինելու է և եղել է կուսակցության և խմբակցության որոշմամբ, մենք ենք հորդորելու և արդեն հորդորել ենք այդ պատգամավորիներին, որ նրանք կողմ քվեարկեն։ Այստեղ որևէ կուսակցության բաժանում չկա, սա մեր միասնական որոշումն է»:
Հետևեք մեզ Viber-ում
