Նիկոլ Փաշինյանը Խաչատուր Սուքիասյանի մասին

Ազգային ժողովի «Ելք» խմբակցության ղեկավար, ՀՀ վարչապետի թեկնածու Նիկոլ Փաշինյանը վստահեցնում է, որ իր ընտրվելու դեպքում կառավարության կազմում օլիգարխներ չեն լինելու:Անդրադառնալով վարչապետ ընտրվելու դեպքում գործարար Խաչատուր Սուքիասյանին առաջին փոխվարչապետի պաշտոնում նշանակելու մասին խոսակցություններին՝ ասաց. «Ես կարող եմ հավաստիացնել, որ կառավարության կազմում օլիգարխներ չեն լինելու: Խաղի կանոնն օրինականությունն է:  Բայց ես կրկնում եմ, որ վենդետաներ մեր երկրում չեն լինելու: Հայաստանում քաղաքական և տնտեսական հետապնդումների էջը փակված է, և մենք խնդիր ունենք համերաշխության մթնոլորտ ձևավորելու: Վենդետաներ չեն լինելու ոչ մի հարցով»: ՀՀ վարչապետի թեկնածուն վստահեցրեց, որ առաջիկայում հանրությունը ստանալու է իրեն հուզող բոլոր հարցերի պատասխանները և առկա խնդիրների լուծման ուղիները: