Նիկոլ Փաշինյանի հիմնական խնդիրը

Առաջիկա քայլերի և օրենքների բարեփոխումների մասին, Նիկոլ Փաշինյանի հիմնական խնդիրը նոր, ազատ և արդար ընտրությունների համար բարեփոխված իրավական դաշտի ստեղծումն ու Ազգային ժողովի արտահերթ ընտրությունների ակցկացումն է: Դրա համար անհրաժեշտ է ընդունել նոր կամ բարեփոխել առկա մի շարք օրենքներ: ՀՀ սահմանադրության հոդված 103-ի 2-րդ կետի համաձայն անհրաժեշտ է առավելագույնը ՛՛պատգամավորների ընդհանուր թվի ձայների առնվազն երեք հինգերորդը:՛՛ Այսինքն, անհրաժեշտ է, որ կողմ քվեարկեն 63 պատգամավոր: Ելք դաշինքը, Ծառուկյան դաշինքը և ՀՅԴ միասնաբար ունեն 47 քվե՝ համապատասխանաբար 9, 31, 7: Հետևաբար, որակյալ մեծամասնություն ապահովելու համար անհրաժեշտ է, որ ՀՀԿ-ի 58 պատգամավորից այդ բարեփոխումներին կողմ քվեարկեն ևս 16 պատգամավոր: Անհնա՞ր եք համարում: Ես միանգամայն հավանական եմ համարում ուժերի վերադասավորումը և կայուն 63 ձայնի ապահովումը: ՀՀԿ շատ անդամներ հասկանում են, որ նոր ընտրություններում ՀՀԿ այլևս չի կարող անգամ խորհրդարան մտնել; Ըստ ռուսական աղբյուրների ՀՀԿ վարկը ազգաբնակչության մեջ ներկայումս չի անցնում 3%-ը: Հետևաբար, ՀՀԿ պատգամավորիների մի մասն անցումնային ժամանականհատվածի իր առաջիկա գործունեությամբ պիտի աշխատի անձնական ռեաբիլիտացիայի ենթարկվել, որպեսզի նորաստեղծ կուսակցությամբ կամ առկա կուսակցություններից որևէ մեկի կազմում մտնի խորհրդարան: Վաղվանից Ազգային ժողովում մեզ հետաքրքրիր վերադասավորումներ են սպասվում: Տես սահմանադրության համապատասխան հոդվածը. Հոդված 103. Օրենքների, Ազգային ժողովի որոշումների, հայտարարությունների և ուղերձների ընդունումը 1. Օրենքները, Ազգային ժողովի որոշումները, հայտարարությունները և ուղերձները, բացառությամբ Սահմանադրությամբ սահմանված դեպքերի, ընդունվում են քվեարկությանը մասնակցող պատգամավորների ձայների մեծամասնությամբ, եթե քվեարկությանը մասնակցել է պատգամավորների ընդհանուր թվի կեսից ավելին: 2. Ազգային ժողովի կանոնակարգը, Ընտրական օրենսգիրքը, Դատական օրենսգիրքը, Սահմանադրական դատարանի մասին օրենքը, Հանրաքվեի մասին օրենքը, Կուսակցությունների մասին օրենքը և Մարդու իրավունքների պաշտպանի մասին օրենքը սահմանադրական օրենքներն են և ընդունվում են պատգամավորների ընդհանուր թվի ձայների առնվազն երեք հինգերորդով: Սահմանադրական օրենքի իրավակարգավորումը չպետք է դուրս գա իր առարկայի շրջանակներից: Արա Պապյան