ՀՀԿ-ն նիստ կանի և կորոշի՝ովքեր են կողմ քվերակելու Փաշինյանին
«Տեսնում եք իրադարձություններն ինչքան արագ են փոփոխվում, մենք արել ենք հայտարարություն, մենք հավատարիմ ենք այդ հայտարարությանը, կօժանդակենք, որպեսզի ամսի 8-ին ՀՀ-ն ունենա վարչապետ», ԱԺ-ում, ճեպազրույցի ժամանակ հայտարարեց ՀՀԿ խմբակցության ղեկավար Վահրամ Բաղդասարյանը: «Ծրագիրը կբերի, կքննարկենք, համբերեք»,-Նիկոլ Փաշինյանի կողմից ներկայացվելիք կառավարության ծրագրի մասին ասաց Վահրամ Բաղդասրյանը: Վահրամ Բաղդասարյանը նշեց, որ այն մտահոգությունները, որոնք հայտնել են մայիսի 1-ին, դրանք մնում են, սակայն, տեսնելով, որ ցույցի մասնակից ժողովուրդն ու կազմակերպիչներն անդրդվելի են մնում, նման որոշում են կայացրել: «Եթե մենք հայտարարություն չտարածեինք, կնշանակեր, որ պարալիզացնում ենք քաղաքական վիճակը: Մենք, մնալով նույն դիրքորոշմանը, մեր մտահոգություններով, քաղաքական որոշում ենք կայացրել, որ ընտրվի վարչապետ, իսկ ինքը վստահ է, որ իր իսկ աշխատանքով այդ մտահոգությունները կարող է փարատվել»,-ասաց խմբակցության ղեկավարը: Այսօր տեղի կունենա ՀՀԿ Գործադիր մարմնի նիստ, որը վարելու է կուսակցության ղեկավար Սերժ Սարգսյանը,տեղեկացրեց Բաղդասարյանը: Նիստի ժամանակ վերջնական կորոշվեն, թե վաղը ովքեր պետք է կողմ քվեարկեն Նիկոլ Փաշինյանին:
Հետևեք մեզ Viber-ում
