Կառավարությունում ինչ տեղեր կարող են բաժին ընկնել «Լուսավոր Հայաստանին»
«Ելք» խմբակցության պատգամավոր Էդմոն Մարուքյանը ԱԺ-ում լրագրողների հետ ճեպազրույցում հայտարարեց,որ «Լուսավոր Հայաստան» կուսակցությունը չի շտապում խոսել, թե կառավարությունում ինչ տեղեր կարող է իրեն բաժին ընկնել Փաշինյանի վարչապետ ընտրվելուց հետո: Նա կոչ արեց սպասել ընտրություններին, որից հետո Փաշինյանը կահավաքի կառավարություն։ Ես ինձ անձամբ տեսնում եմ խորհրդարանում,ասաց նա: Դիտարկմանը, թե այդ տեղը կարո՞ղ է լինել ԱԺ նախագահի կամ խոսնակի դերը, Մարուքյանն ասաց. «Շնորհակալ եմ, ես մի անգամ թեկնածու եղել եմ, չընտրվեցի, ինչ անենք»։ Մարուքյանը նաև ընդգծեց, որ ՀՀԿ-ն կհաստատի Փաշինյանի կառավարության ներկայացրած ծրագիր: ««Ելք»-ը խորհրդարանում կլինի Փաշինյանի կառավարության թիկունքը։ Հիմա պետք է աշխատենք այն ծրագրերի ու փոփոխությունների իրականացման վրա, որը կառավարությունը կբերի խորհրդարան»,- եզրափակեց նա։
Հետևեք մեզ Viber-ում
