Էրդողանը ողջ կյանքում միայն մեկ գիրք կարդացած ավազակ է. Ասմա Ասադ
Բրիտանական Financial Times թերթի փոխանցմամբ՝ բրիտանացի պատմաբան Նորման Սթոունը կարծիք է հայտնել,թե Թուրքիայի նախագահ Ռեջեփ Էրդողանը կարող է Ռուսաստանի հետ հարաբերությունների սրացմանը գնացած լինել վերջինիս կողմից Սիրիայի նախագահ Բաշար Ասադին աջակցելու համար, որի կինը ժամանակին խորապես վիրավորել է Էրդողան ամուսիններին և տվյալ միջադեպը գրանցվել է դեռ այն ժամանակ, երբ Թուրքիայի ու Սիրիայի միջև գոյություն ունեին բարիդրացիական հարաբերություններ: «Մի անգամ Ռեջեփ Էրդողանն ու նրա կինը՝ Էմինեն, որոշում են հանգիստն անցկացնել Ասադների՝ Բաշար Ասադի ու նրա կնոջ Ասմայի ընկերակցությամբ։ Ասում են, որ դրանից հետո Ասմա Ասադը էլեկտրոնային փոստով նամակ է ուղարկել ամուսնուն, որում նրան խնդրել է այլևս իրեն չխնդրել վերստին հանդիպել Էրդողանների հետ։ Ասմա Ասադը դժգոհել է, թե Էրդողանները չունեն կրթություն ու ճաշակ, ամուսինն ավազակ է, նա ողջ կյանքում միայն մեկ գիրք կարդացած ավազակ է, իսկ կինը տարված է շոփինգով, սակայն դրա հետ մեկտեղ հնաոճ է և անճաշակ հագնված»,- ասել է Նորման Սթոունը։ Տվյալ նամակը գրավել է Թուրքիայի հատուկ ծառայությունների ուշադրությունը։ Սթոունի խոսքերով՝ հենց այդ ժամանակ էլ Էրդողանը սկսել է անբարյացակամ վերաբերմունք ցուցաբերել Բաշար Ասադի հանդեպ՝ ամեն կերպ ձգտելով հասնել նրա տապալմանը։
Հետևեք մեզ Viber-ում
