Օդեսայում պահանջել են քաղաքից վտարել Սաակաշվիլիին

lenta.ru-ն  հայտնում է,որ  Օդեսայի բնակիչները ակցիա են անցկացրել` պահանջելով Օդեսայի շրջանի նահանգապետ Միխեիլ Սաակաշվիլիի հրաժարականը: Քաղաքի մի քանի շրջաններով անցել է սև միկրոավտոբուս` նահանգապետի ծաղրանկարով և գրված է եղել. «Վռնդեցին Թբիլիսիից, կվռնդենք նաև Օդեսայից»: Նաև միացված են եղել բարձրախոսներ, որոնց միջոցով ակցիայի մասնակիցները ռուսերեն լեզվով կոչ են արել ստորագրել խնդրագիր` պահանջելով Սաակաշվիլիի հրաժարականը:Արշավը տեղի է ունեցել Ուկրաինայի ժողովրդական պատգամավոր Դմիտրի Գոլուբովի անունից, ում անունով էլ ստորագրված է եղել միկրոավտոբուսների վրայի կարգախոսը: «Սաակաշվիլին մաքսակետերում հովանավորում է մաքսանենգությանը: Պահանջում է 20 միլիոն գրիվեն քաղաքի բոլոր խոշոր ձեռնարկատերերից: Օդեսայում հավաքում է վրացական բանդա` Ուկրաինայում պետական հեղաշրջում անցկացնելու նպատակով: Օդեսացիներ, ստորագրեցեք օրենքով գող Միխեիլ Սաակաշվիլիի հրաժարականի համար»,- կոչ են անում մասնակիցները: