Քարեր են նետել Բաղդասարյանի տան ուղղությամբ. կոտրել են պատուհանի ապակիները
«Ժամանակ» թերթը գրել է. «Վանաձորում բողոքի ցույցի դուրս եկած վանաձորցիները մեզ հայտնում են, որ կատարյալ խուճապի մեջ է հայտնվել ՀՀԿ խմբակցության ղեկավար Վահրամ Բաղդասարյանը,
ով թաղային խուժանի մոտ հայտնի է «Վալլա» մականունով: Նա, անվտանգության նկատառումներից ելնելով Երևանից Վանաձոր է տեղափոխել իր ընտանիքը՝ համոզված լինելով, որ Վանաձորում իր նկատմամբ վախ կա: Վահրամ Բաղդասարյանը հավաքել է թաղային հեղինակություններին և նրանց հրահանգել թույլ չտալ, որ իրենց թաղերի բնակիչները միանան բողոքի ակցիաներին, սակայն նրան պատասխանել են, որ իրենք սոված ժողովրդի դեմն առնել չեն կարող:
Վանաձորի «Գլորիա» կարի ֆաբրիկայի աշխատակիցներին էլ վրդովեցրել է Բաղդասարյանի այն հայտարարությունը, թե «հրապարակ միայն «Գլորիայի» լրբերն են գնում»: Ֆաբրիկայի աշխատակիցները հրապարակում խոստանում են, որ եթե Վահրամ Բաղդասարյանը իրենց ձեռքն ընկնի, «գերանդիով փորն են բացելու»:
Վանաձորի մեր աղբյուրը հայտնում է, որ ցուցարարների մի խումբ հավաքվել է ԱԺ ՀՀԿ խմբակցության պատգամավոր Վահրամ Բաղդասարյանի տան մոտ, և ցուցարարները ի նշան բողոքի՝ սկսել են քարեր նետել Բաղդասարյանի տան ուղղությամբ: Դրանցից մի քանիսը կոտրել են պատուհանի ապակիները: Նյութական վնասի չափը դեռ ճշտված չէ»:
Մանրամասները թերթի այսօրվա համարում
Հետևեք մեզ Viber-ում
