Ինչ բառ սկսում է «դ» տառով, այսինքն դավաճանություն, ես այդ հարցում չկամ.Ալիկ Սարգսյան

Օդանավակայանը փակելով՝ հա՞րց է լուծվում, սա անելու բան չէ: Հարցի լուծման ճանապարհը երկխոսության նստելն է, սակայն  Փաշինյանի կողմից չեմ  տեսնում երկխոսության ցանկություն,- ԱԺ-ում լրագրողների հետ զրույցում ասաց ՀՀԿ-ական պատգամավոր Ալիկ Սարգսյանը: Բացառում եք  արդյոք, որ մեկ շաբաթվա ընթացքում ՀՀԿ-ն պառակտվի հարցին, Սարգսյանը նշեց, թե առայժմ հեռանկար չի տեսնում և չի էլ մտածում դրա մասին: «Ինչ բառ սկսում է «դ» տառով, այսինքն դավաճանություն, ես այդ հարցում չկամ, մոռացեք», - ասաց նա:   «Աշխարհի վերջը գա, ես թիմ չեմ դավաճանի, կդնեմ մանդատս, կգնամ տուն, բայց թիմ չեմ դավաճանի: Շարժումն, այսպես թե այնպես, մի օր պետք է լիներ, քանի որ այն հասունացել էր », - ՀՀԿ-ական պատգմավոր Ֆելիքս Ցոլակյանի քվեարկության մասին Ալիկ Սարգսյանը շատ բան ասել չցանկացավ: «Առաջարկում եմ թող անհրաժեշտ հետևություն անեն, մի ջնջեք անցյալը, հասկանում եմ երիտասարդությանը, նրանք ոչ միայն մեր ապագան են, այլ՝ ներկան, վատ հետևանքներ կլինեն», - հավելեց նա: Պատգամավորը մանրամասնեց, որ վատ հետևանքներ ասելով նկատի չունի իշխանության կողմից ճնշումը, պարզապես ինքը մտահոգ է երկրի անվտանգությամբ. «Մի տարեք երկիրը փորձության»: