Միքայել Մելքումյանը՝ Կարեն Բեքարյանին. «Ո՞վ է ձեզ իրավունք տվել, ո՞ւմ հանձնարարությունն եք կատարում»
ԱԺ հատուկ նիստում ՀՀ վարչապետի թեկնածուի քննարկման ժամանակ «Ծառուկյան» խմբակցության պատգամավոր, ԱԺ փոխնախագահ Միքայել Մելքումյանը, վրդովված ՀՀԿ-ական Կարեն Բեքարյանի ելույթից, հայտարարեց, այսօրվա և՛ քվեարկությունից, և՛ համաժողովրդական շարժումից կախված է լինելու մեր երկրի ապագան։ «Որևէ տեղ էմոցիաներ չեն կարող լինել, որովհետև այսօրվա և՛ քվեարկությունից, և՛ համաժողովրդական շարժումից կախված է լինելու մեր երկրի ապագան։ Երկրի ապագան պետք է սառնասիրտ և սթափ որոշել, պարո՛ն Բեքարյան։ Երբ դուք հայտարարություններ եք անում, որը քաղաքական չի, երկրորդ քաղաքական ուժին ինչ-որ ստոր, պլինտուսից ներքև հայտարարություն եք անում, թե 2 րոպե, 5 րոպե առաջ գնացիք միացաք։ Ո՞վ է ձեզ իրավունք տվել, ո՞ւմ հանձնարարությունն եք կատարում»,- ասաց նա: Ըստ նրա՝ ժողորդի ալիքը սրբելու է ամեն ինչ, և միայն քաղաքական գիտակցության պայմաններում կարելի է լուծումներ գտնել։
Հետևեք մեզ Viber-ում
