Եթե կուսակցությունը պահանջի, պատրաստ եմ վայր դնել մանդատս. Աղվան Վարդանյանը որոշել է չքվեարկել. տեսանյութ
Նիկոլ Փաշինյանի թեկնածության վերաբերյալ քիչ առաջ ելույթ ունեցավ նաև ՀՅԴ-ական Աղվան Վարդանյանը. «Սերժ Սարգսյանը հրաժարական է տվել ու մնում է ժողովրդի ցանկությունը: Բարձր եմ գնահատում Նիկոլի անձնազոհությունը, վճռականությունը, բայց երբեք անձերով չեմ առաջնորդվել, կուռքեր չեմ ընդունել, վտանգի զգացում ունեմ: Չեմ կարող վստահ լինել, որ այս ամենը ավելի շատ մեծ խնդիրների չի բերի ու չեմ կարող բացառել, որ անդառնալի հետևանքներ չի ունենա ժողովրդի, պետականության համար: Չեմ կարող բացառել, որ այդ ծալքերն անդառնալի հետևանք չեն ունենա Արցախի, իմ ժողովրդի համար: Հանկարծ նոր կորուստների դուռ չբացվի: Անձնական պատասխանատվություն չեմ կարող ստանձնել ու կողմ քվերակել նրան: Ես չեմ քվեարկելու: Ես ՀՅԴ եմ ներկայացնում, որ կողմ է քվեարկելու, ու երկվությունից դուրս գալու մի ելք կա, եթե պահանջվի, պատրաստ եմ վայր դնել մանդատս»,- ասաց Վարդանյանը:
Հետևեք մեզ Viber-ում
