Նիկոլ ջան, շատ վստահ տոնով էիր ստում, բայց սիրուն չէր. Արման Սաղաթելյանը` Նիկոլ Փաշինյանին

  Ի հեճուկս բոլոր չկամեցողների` իշխող մեծամասնությունն առավել, քան միասնական է, ԱԺ-ում հայտարարեց ՀՀԿ-ական պատգամավոր Արման Սաղաթելյանը: «Պառլամենտական կառավարման ձևի պայմաններում կառավարությունը ձևավորվում է պառլամենտական մեծամասնության կողմից և ձևավորում է այն ուժը, որն այդ մեծամասնությունն ունի: Պառլամենտն արձակվում է, եթե այն ի զորու չի լինում ձևավորել կառավարություն», - ասաց Սաղաթելյանը: Պատգամավորը հիշեցրեց, որ կառավարության գործունեության համար պատասխանատվություն կրողը ևս քաղաքական մեծամասնությունն է: