«Սուպերվարչապետական համակարգը պետք է գոյություն չունենա». Նիկոլ Փաշինյան

Այսօր ԱԺ հատուկ նիստում հայտարարեց ՀՀ վարչապետի թեկնածու Նիկոլ Փաշինյանը, պատասխանելով «Ծառուկյան» խմբակցության պատգամավոր Շաքե Իսայանի հարցին, թե փոխվելո՞ւ է արդյոք սուպերվարչապետական համակարգն ու ոստիկանությունը, և ուժային կառույցները լինելո՞ւ են ԱԺ վերահսկողության ներքո, ասել է. «Ես ինձ հանձնառում եմ համարում սուպերվարչապետության խնդիրը լուծելու: Ոստիկանությունն ու ԱԱԾ-ն պետք է փոխեն կարգավիճակն ու դառնան նախարարություններ: Սրա համար կան օրենսդրական դժվարություններ, բայց հաղթահարելի են: Չափից ավելի լիազորություններ են կենտրոնացած վարչապետի ձեռքում, ամոթի աստիճան: Սուպերվարչապետության համակարգը չպետք է գոյություն ունենա. խորհրդարանական կառավարման համակարգ պետք է լինի»: Այնուհետև հավելել. «Էլ ի՞նչ իմաստ կունենան փոփոխությունները, եթե մենք, քննադատելով ինչ-որ երևույթներ, հասնենք իշխանության և ինքներս մեր հերթին՝ կիրառենք այդ լծակները։ Կնշանակի՝ փոփոխությունները չունեն որևէ իմաստ։ Ես հավաստիացնում եմ, որ մենք բավարար հարգանք ունենք մեր անցած ճանապարհի, ժողովրդի նկատմամբ, որպեսզի այդ բոլոր հարցերը լուծենք»: Փաշինյանը հավելել է, որ մանրամասները պետք է քննարկվեն նպատակահարմարության տեսակետից, բայց հաստատ է, որ սուպերվարչապետական համակարգը պետք է գոյություն չունենա, և պետք է լինի նորմալ խորհրդարանական կառավարման համակարգ։